Paiavinnankaha Part 02

SR No.: 004269
Original Sutra Author: N/A
Author: Kastursuri, Somchandrasuri
Publisher: Rander Road Jain Sangh
Publication Year: 2005
Total Pages: 254
Language: Hindi, Sanskrit
Classification: Book_Devnagari
File Size: 38 MB

Page 47

पाइअविनाणकहा-२ कणिट्ठपुत्तो ‘सोहणं कजं किं' ति गवेसंतो एगया नयराओ बाहिरं गओ, तइआ तत्थ सरोवरम्मि पडियं बुडतं जणं पासित्ता सिग्घयरं तत्थ गओ, जलम्मि पडिऊण तस्स उद्धरणटुं पयासं कुणेइ, 'अयं को अत्थि' त्ति वियारिऊणं तं पुरिसं सम्मं पासेइ, तेण णायं-इमो मम सत्तू वट्टइ, एवं णच्चा वि बुडतं तं रक्खेउं विचिंतेइ, कटेण तं जलाओ बाहिरं निक्कासेइ आसासेइ अ / सो वि सत्तू जीवियदाणाओ तस्स मित्तत्तणं संपत्तो / गेहम्मि आगंतूण पिउस्स पुरओ वुत्तं-अज्ज मए एयारिसं सोहणं कजं समायरिअं, जं सत्तू वि मज्जंतो जलाओ उद्धरिओ / पिउणा वि तं सोच्चा सो बहुं अणुमोइओ / महामुल्लरयणं तस्स दाऊणं कहिअं-अवराहिजीवेसुं वि जो करुणाभावो, मच्चुमुहपडिआणं जीवाणं रक्खणं परत्थकरणं च तं चिअ सोहणं कजं सिया / कणिट्ठपुत्तेण वि रयणविक्कएण जं दव्वं पत्तं, तस्स भागत्तयं काऊणं दुण्हं भाऊणं एगेगो भागो दिण्णो / पिआ वि तस्स तारिसपउत्तिं दतॄणं अईव संतुट्ठो / उवएसो कणिट्ठभाउवुत्तंतं, सोचा पाणिसुहप्पप्पयं / अवराहिजणेसुं पि, करुणं कुज सव्वया / / 2 / / सोहणकजम्मि भायरतिगस्स सट्ठिअमी कहा समत्ता / / 6 / / -गुजरभासाकहाए F एगसटिइमी 'अत्थो अणत्थकारगो' इह धणदत्तस्स कहा - - - - - - - - - - - - - धणलोहंधिया जीवा, न पेक्खंते हियाहियं / पिआपुत्ताण दिद्रुतो, अच्छेरजणगो इह / / 1 / / ____ आसि नागपुरनयरम्मि धणदत्तो नाम सेट्ठी, तस्स धणवई नाम भजा, धणदेवो य पुत्तो / पुव्वपावकम्मुदएण ते निद्धणा जाया / तओ ते पिआपुत्ता वावार8 देसंतरम्मि गमणाय नियनयराओ निग्गया / गामाओ गामं भमंता अण्णया कणयपुरनयरं गंतुं इच्छमाणा रण्णम्मि संपत्ता, अरण्णम्मि रत्ती संजाया / तओ एगस्स वडतरुणो हिट्ठम्मि संठिआ / मज्झरत्तीए पुत्तो लहुसंकानिवारणटुं उट्ठाय जत्थ पसवणटुं उवविट्ठो, तत्थ सेयअक्कतरुं पासिऊणं तेण विआरियं-विउसा कहिति-'सेयअक्करुक्खस्स हिट्ठम्मि अवस्सं निही होज्जा' तओ अणेण तस्स तरुस्स मूलं खणियं, तहिं निही दिट्ठो, तस्स मज्झम्मि दीणारा, तह य पहादिप्पंतो रयणमइओ एगो दिव्वहारो 1. श्वेतार्कतरुम् / /