Page Text
________________ एगूणसट्ठिअमी 'कम्मपरिणामो ननहा होइ' इह भाविणीकम्मरेहाणं कहा देविंदा दाणविंदा य, नरिंदा य महाबला / नेव कम्मपरिणामं, अण्णहा काउमीसरा / / 1 / / मणोरमनामनयरम्मि रिउमद्दणो नाम नरिंदो होत्था, तस्स पुत्तो न सिया, एगञ्चिय भाविणी नाम कण्णा अस्थि, सा उ रण्णो पाणेहितो वि अहिगप्पिया, तओ सो राया पुत्तीए पुव्र्बु सिणाणपाणभोयणाई कराविऊण पच्छा नरिंदो सिणायभोयणाइं कुणेइ / सा कण्णा कलायरियस्स समीवम्मि कलाओ सिक्खेइ / तत्थच्चिय नयरे निद्धणो धणदत्तो नाम सेट्ठी वसइ, तस्स सत्तपुत्ताणं उवरिं कम्मरेहो नाम अट्ठमो पुत्तो समुप्पण्णो, सो सव्वओ लहत्तणेण पिउणो अञ्चंतो पिओ अस्थि / सो वि पुत्तो तस्स च्चिय कलायरियस्स पासम्मि पढेइ / एगया अब्भसियसयलकलाए भाविणीए उवज्झाओ पुट्ठो-'भयवं! मम भत्ता को होही ?' एयं सोच्चा सो निमित्तवेई पसिणलग्गं पासिऊण कहेइ-एसो कम्मरेहो तुम्ह वरो होहिइ / सा उवज्झायवयणं सुणिऊणं वज्जाहया विव मुच्छया होत्था, खणेण लद्धचेयणा चिंतेइ-‘एसो निद्धणस्स तणओ मम भत्ता भविस्सइ, अओ मरणं चेव वरं, परंतु जइ इमं कम्मरेहं हणावेमि तया सो मम भत्ता कहं होज्जा ? एवं वियारिऊण सकोवा नियगेहम्मि गया, अंसुकिलिन्नगत्ता चत्तसिणाणभोयणपाणा सयणीए संठिया केण वि सद्धिं न वएइ / भोयणावसरे रण्णा ‘भाविणी कत्थ गया' इइ पुटुं-गवेसिआ समाणा कोवघरम्मि सयणीयसंठिआ सा दिट्ठा, नरिंदेण ससिणेहं ऊसंगे ठविऊण दुक्खस्स कारणं पुटुं। तइआ तीए उवज्झाएण वुत्तं सव्वं कहिऊण अप्पणो निण्णओ वि कहिओ / एयं सोच्चा निवो मंतीणं पुरओ भाविणीए सरूपं निवेइऊण 'एत्थ मए किं कायव्वं' ति पुच्छेइ / मंतिणो कहेइरे-महाराय ! अवराहं विणा मणूसवहो न समुइओ, अओ कम्मरेहस्स पियरं आहविऊणं इच्छाइरेगधणं दाऊणं तं गिण्हेहि, पच्छा जहोइयं कुणेजाहि, एवं कुणमाणे तुम्हाणं अवजसो न होही / भूवई धणदत्तसेटिं बोल्लाविऊण बहुधणप्पणेण कम्मरेहं मग्गेइ / सो धणदत्तो रण्णो वइरघायाओ वि अइकढोरं वयणं सुणित्ता गलंतंसुनयणो वएइ-देव ! मम पुत्तो मम भज्जा अहं मम य सव्वपरिवारो वि तुम्हकेरो च्चिय णायव्वो, जहिच्छं च कुणसु / नरिंदो वि वग्यत्तडीनाएण संकडम्मि पडिओ, निरुवाओ कम्मरेहं आहवित्ता वहटुं चंडालाणं हत्थे देइ / ते चंडाला तं घेत्तुणं गामाओ बाहिरं सूलिगाइ समीवं समागया / तया अस्स कम्मरेहस्स पुण्णणुभावाओ संपत्तकरुणाभावा ते चिंतेइरे-बालहच्चा महापावकारणं सिया, अओ एसा न कायव्वा इअ वियारिऊण अस्स ठाणे एगं मडगं सूलीए आरोविऊणं एत्थ कया वि पुणो नागंतव्वं' ति कहित्ता तं कम्मरेहं मुंचित्था / सो वि कम्मरेहो रण्णो अहि पायं मुणंतो तओ सिग्धं निग्गच्छित्था / इओ य सिरिपुरनयरम्मि नामेण सिरिदत्तो सेट्ठि वसइ, तस्स सेट्ठिस्स सिरिमई नाम कण्णा आसि ! एगया तस्स कुलदेवी मज्झरत्तीए आगंतूणं सुमिणम्मि सेट्ठिणो कहेइ-सेट्ठि ! इमस्स नयरस्स बाहिरं पञ्चूसकाले
| SR No. | 004269 |
| Book Title | Paiavinnankaha Part 02 |
| Original Sutra Author | N/A |
| Author | Kastursuri, Somchandrasuri |
| Publisher | Rander Road Jain Sangh |
| Publication Year | 2005 |
| Total Pages | 254 |
| Language | Hindi, Sanskrit |
| Classification | Book_Devnagari |
| File Size | 38 MB |