Page Text
________________ पाइअविनाणकहा-२ वसित्था / सो एगया मज्झ मुहाओ धम्मं सोच्चा सम्मत्तसहियदुवालसवयरूवसड्ढधम्मं अंगीकुणीअ, तओ तेण सड्ढधम्मो चिरं पालिओ / अह कयाइ दइव्वजोगेण कुदिट्ठिसंसग्गाओ तहाविह सुसाहुसंजोगाभावाओ य तस्स मणंसि मिच्छत्तबुद्धिपवुढेि उवागया, सुबुद्धी कमेण मंदीभूआ / तओ मीसपरिणामेहिं कालखेवं कुणंतो स सेट्ठी एगया गिम्हकाले पोसहवजुअं अट्ठमं तवं कासी / तत्थ तइयदिणस्स मज्झरत्तीए पिवासापीलिअत्तणाओ समुप्पण्णट्टज्झाणो संतो एत्थं विचिंतित्था धण्णा ते चिअ संसारे, कराविंति बहूणि जे / वावीकूवतडागाई, परुवयारकारणं / / 2 / / धम्मुवएसकारेहिं, वुत्तो धम्मो परो इमो / दोसं वयंति जे एत्थ, णेयं तव्वयणं वुहा / / 3 / / गिम्हकाले हि जे जीवा, तिसट्टा वाविगाइसु / समागच जलं पिञ्चा, भवंति सुहिणो जओ / / 4 / / अओ अहंपि पझूसे, वाविमेगं महत्तरं / कारयिस्सामि तत्तो मे, सव्वया पुण्णसंभवो / / 5 / / एवं दुज्झाणं कुणंतो सो सेट्ठी सेससव्वरत्तिं अइक्कमित्ता पभाए पारणं किञ्चा सेणिअनिवस्साणुण्णं घेत्तूणं / वेभारगिरिसमीपे एगं महापुक्खरिणिं कारवेइ / तीए चउदिसासु विविहतरुवरसोहियदाणसाला-मढ-मंडवदेवकुलाइमंडिआई वणाई च कारवेइ / एत्यंतरे बहुयरकुदिट्ठिसंसग्गाओ सव्वहा चत्तधम्मस्स तस्स किलिट्ठकम्मोदयाओ सरीरे सोलस महारोगा समुवण्णा / तन्नामाइं कासे सांसे जैरे दाँहे, कुच्छिसूले भगंदरे / हरसो अंजीरए दिट्ठि-पिट्ठसूले अरोएँ / / 6 / / कंडू जलीयरे सी से-कन्नवेर्यण-कुटुंए / सोल एए महारोगा, आगमम्मि वियाहिया / / 7 / / रोगकंतदेहो स सेट्ठी महापीलं अणुभविअ मरणं पप्प तीए चेव वावीए दद्दुरत्तणेण समुववण्णो / तत्थ य तस्स नियवावीदंसणाओ जाईसरणं उप्पण्णं / तओ सो दद्दुरो धम्मविराहणाफलं नच्चा संजायसुहभावो 'अज्जदिणाओ मए निच्चं छट्ठतवो कायव्वो, पारणगे वावीतडे जलसिणाणपासुकीभूअं जलमट्टिगाई चिय भक्खणिज्ज' ति अभिग्गहं गिण्हित्था / अह स तम्मि समये वावीए सिणाणाइनिमित्तं आगच्छंताणं जणाणं मुहाओ अम्हाणं आगमणसमायारं सोच्चा पुव्वभवधम्मायरिअं मं मण्णित्ता वंदणत्थं निग्गच्छंतो लोगेहिं करुणाबुद्धिए पुणो पुणो अंतो पक्खिज्जमाणो वि वंदणिक्कमणो जाव वावीए बाहिरं निग्गओ ताव भत्तिभरुल्लसिअमाणसो बहुपरिवारजुओ 1. वृथा / /
| SR No. | 004269 |
| Book Title | Paiavinnankaha Part 02 |
| Original Sutra Author | N/A |
| Author | Kastursuri, Somchandrasuri |
| Publisher | Rander Road Jain Sangh |
| Publication Year | 2005 |
| Total Pages | 254 |
| Language | Hindi, Sanskrit |
| Classification | Book_Devnagari |
| File Size | 38 MB |