Page Text
________________ 174 पाइअविनाणकहा-२ विप्पेण वुत्तं- 'नीइविरुद्धकरणेण मए विडम्बणा पत्ता, परन्तु अहुणा सव्वं तव्वइयरं जाणाविस्सं' ति कहंतो विसभरियकुमारस्स पासंमि गंतूणं मंडलं विहाय धूवदीवाइमहाडम्बरपुव्वयं मज्जणं काउं पउत्तो / रायपमुहा परिओ संठिआ पासेइरे / तया नागदेवया कुमारसरीरे अवयरिऊणं वयासी-'भो माहणवर ! किं इमस्स दुट्ठस्स रण्णो तणयस्स उवयारं काउं पउत्तो ? किं तुमए खरारोहणविडंबणा विसरिआ ? रण्णा वुत्तं-'कहं मम दुट्ठया ? नागेण साहियं-'तुव पुत्तो उ वग्घेण मारिओ, पच्छा कियंते वि समए गए दइव्वजोगेण अम्हे तिण्णि मित्ताई कुवंमि पडियाई, चउत्थो सुवण्णयारो य / एयंमि अवसरे निक्कारणुवयारी एसो विप्पो तहिं आगओ / अम्हेहिं तीहिं विन्नत्ती कया, अणेण उ सवणमेत्तेणेव वल्लीपमुहगंथणाइबहुयजत्तं किच्चा अम्हे निक्कासिआ / तया अम्हेहिं एयं पणमित्ता सिक्खा दिण्णा-'अजोग्गभावेण चउत्थस्स उवयारो न कायव्वो' त्ति कहिऊणं अम्हे नियनियट्ठाणं गया / पच्छा तेण दुट्ठसुवण्णयारेण पियवयणेहिं विण्णत्तो विप्पो / तया उवयारसीलेण अम्ह वयणं वीसरिऊणं सो वि निक्कासिओ गिहं पत्तो / विप्पो उ तित्थाई काऊणं पडिनिवट्टमाणो वग्घेण दिट्ठी / तेण उवयारं सरंतेणं इमाइं आहूसणाई दिण्णाणि / विप्पो पुणो इह आगओ / सुवण्णयारेण सधणं तं नच्चा' कवडवित्तीए घरंमि नेऊणं आहूसणाइं घेत्तूणं तुव पुरओ वुत्तं / तुमए वियारमूढेण किमवि अवियारित्ता विडंबणपुव्वयं माहणस्स एरिसी अवस्था पाविया / वानरेण सिग्धं आगच्च मम पुरओ साहियं / अओ अम्हाणं उवयारिणो दुक्खदायगं तुम कहं मुंचामि ? 'इट्ठस्स पालणं दुट्ठस्स दंडो' त्ति नीइं सरित्ता मए दह्रो / तओ रण्णा सव्वजणपुरओ नियप्पा निंदिओ / माहणवरं नागं च खमाविऊणं कहियं-'जो तुव आएसो होज्जा तं हं विहेमि' / तया नागेण वुत्तं-'जइ तुं लक्खपसायपुव्वं दससंखए गामे विप्पस्स दिज्जसु, तइया अहं मुंचामि' / रण्णा तहेव काऊणं माहणो पूइओ / कुमारो निव्विसो जाओ / सुवण्णयारं कयग्धं दठूणं कहाइ आइट्ठो बंभणेण किवाए मोयाविओ / तम्हा इमो सुवण्णयारो नियमाऊए वि सुवण्णस्स चोरगो अम्हेहिं सहेजकरणटुं इह आणिओ, सिला य दंसिया तं भव्वं न कयं / पुव्वमेव किंपिं मिसं किच्चा घणच्छेयणिगाइअहिगरणमग्गणं कुणंता तया सेयं हुंतं / अहुणा उ सप्पगंधमूसिगानाएण विसमं आवडियं / किंच एसा हि सिला एगेणं दिणेणं भंजिंउ न सक्किज्जइ बहुदिवससाहणीयं कजं एयं / पहायंमि उ जाए सक्कणिज्जसुवण्णं घेत्तूणं अम्हे इमो वि य नियनियट्ठाणंमि गच्छिस्सामो, पुणो गिहगओ एसो अणग्गलं सुवण्णं सरिऊणं वाउलचित्तो होही / जस्स रइमेत्तं सुवण्णं दठूणं चेयणा विकलेइ, तस्स पुणो इमं अईव बहुगं सुवण्णं दळूणं किं न भविस्सइ ? अओ नूणं अयं केणइ बलवंतेण सह विभागं काऊणं समग्गं गिहिस्सइ, अम्हे य बहुदव्वहरणच्छलं सिरंसि दाऊणं कठ्ठम्मि पाडिस्सइ / अओ अहुणा इह किं कायव्वं ? तइया एगेणं उत्तं-'जइ मम वुत्तं कुणेह, तइया न को वि विग्घो होज्जा' / तेहिं कहियं -'कहं ?' सो आह-घणच्छेयणिगा उ हत्थम्मि समागया अस्थि / तया य घणच्छेअणिगाए दीसंतं उवरियणविभागं घेत्तूणं सेसं च ढंकिऊणं गम्मइ / पच्छा पइदिणं आगच्च नियसमीहियं काहिमो / 1. ज्ञात्वा / /
| SR No. | 004269 |
| Book Title | Paiavinnankaha Part 02 |
| Original Sutra Author | N/A |
| Author | Kastursuri, Somchandrasuri |
| Publisher | Rander Road Jain Sangh |
| Publication Year | 2005 |
| Total Pages | 254 |
| Language | Hindi, Sanskrit |
| Classification | Book_Devnagari |
| File Size | 38 MB |