Page Text
________________ सत्तुत्तरसयइमी विसुद्धमणसा सव्वे खमावंतो खमणापरो जीवो केवलनाणं पावेइ इह चंडरुद्दायरियस्स कहा सव्वे खामेमाणो, सयंपि खमणापरो विसुद्धमणो / सिरिचंडरुद्दसूरिव्व, तक्खणा कुणइ कम्मखयं / / 1 / / अहेसि उज्जेणीनयरीए अवज्ज-वज्जणुज्जुत्तो गीयत्थो चंडरुद्दो त्ति नामेण विस्सुओ आपरिओ / सो पुणो पयईए च्चिय पचंडकोवत्तणेण मुणिमझमि ठाउं सयं अतरंतो साहुविवित्ताए' वसहीए सज्झायज्झाणपरो जत्तेणं पसमभावणाए दढं अप्पाणं भावेंतो गच्छस्स निस्साए विहरेइ / अह एगमि अवसरे केलिप्पिय-वयस्स-परिवरिओ एगो महिब्भपुत्तो नवपरिणीओ विहियविभूसो तियचञ्चर-चउप्पहाईसुं वियरंतो तेसिं साहूणं पायदेसंमि परिहासकयपणामो आसीणो / तओ तस्स वयस्सेहिं परिहासेणं पयंपियं-'भंते ! एसो अम्हाणं वयस्सो भववासाओ समुव्विग्गो दिक्खं घेत्तुं इच्छेइ, एत्तो च्चिय विहियपवरसिंगारो इहयं समागओ, ता इमस्स पवज्जं देह' / आगारिंगियकुसला य मुणिणो तेसिं परिहासं मुणिऊण अमुणिता इव ठिआ नियकज्जाइं काउं आढत्ता / भुज्जो भुज्जो सुइरपलाविणो जाव नेव विरमंति ताव 'दुस्सिक्खिया हु एए सिक्खंतु' इअ चिंतयंतेहिं साहूहिं विवित्तपएससंठिओ चंडरुद्दायरिओ अम्हाणं एसो गुरू दिक्खं दाहिइ त्ति निदिट्ठो। _तत्तो ते केलिपियत्तणेण सूरिणो पासंमि गया / पुव्वट्ठिईए य इब्भसुयस्स दिक्खगहणिच्छा सिट्ठा / एए महापावी मए वि सद्धिं कहं केलिं कुव्वंति ? इइ चित्तब्भंतरजाय-तिव्वकोवेण तेण तो भणियं-'अहो ! एवं, ता मम लहुं भूई' समप्पेह' तओ तस्स वयंसेहिं कत्तो वि सिग्धं चिय भूई उवणीआ / तो तं इब्भसुयं निविडग्गहेण सहत्थेण घेत्तूणं उच्चरिय-नमुक्कारमहामंतो सूरी लुंचिउं आरद्धो / भवियव्वयावसेण जाव वयस्सा किं पि न जंपंति, न य इब्भसुओ, ता तेण सूरिणा सीसलोओ विणिम्मिओ / तओ इब्भपुत्तेण भणियं-'भयवं ! एत्तियं कालं परिहासो आसी, संपइ पुणो सब्भावो जाओ, ता पसायं कुणसु, संसारसमुद्दतरणतरंडं दिनसिव-नयरसोक्खं जयगुरुजिणिंदवरदेसियं दिक्खं भावसारं वियरेसु' / एवं वुत्ते तेण मुणिवइणा तस्स पव्वज्जा दिण्णा / ते वयंसा वेलक्खं उवगया सट्ठाणेसु गया / तेण नवदिक्खिएणं भणियं- भंते ! मम बहुसयणो इह वट्टेइ, तेण एत्थ अविग्धं धम्मं काउं अहं नो लहिस्सं, तो अन्नगामंमि' जामो / ‘एवं होउ' त्ति अणुमन्निऊणं गुरुणा सो मग्गपडिलेहणटुं तओ पेसिओ, मग्गं पडिलेहिऊणं तंमि समागए मुणिनाहो जराए वेवंतो सणियं सणियं कयपयक्खेवो सो तस्स खंधमि निहियदक्खिणकरो गंतुं समाढत्तो / रयणीए चक्खुबलवियलो पहंमि थेवपयखलणे वि हु बाढजायकोवो भुज्जो भुज्जो सिक्खर्ग निब्भच्छेइ, ‘एवंविहो पहो तुमए पडिलेहिओ त्ति / पुणरुत्तं चिय परुसं वयंतो सिरंमि दंडएणं ताडेइ / 1. साधुविवक्तायां साधुरहितायां वसतौ / / 2. भूतिं रक्षाम् / / 3. वैलक्ष्यम् भू-१९ / / 4. मार्गप्रतिलेखनार्थम् मार्गनिरीक्षणार्थम् / / 5. स्तोका- / / 6. शैक्षकं नवदीक्षितम् / /
| SR No. | 004269 |
| Book Title | Paiavinnankaha Part 02 |
| Original Sutra Author | N/A |
| Author | Kastursuri, Somchandrasuri |
| Publisher | Rander Road Jain Sangh |
| Publication Year | 2005 |
| Total Pages | 254 |
| Language | Hindi, Sanskrit |
| Classification | Book_Devnagari |
| File Size | 38 MB |