________________ 140 पाइअविनाणकहा-२ तओ सो पुरिओ उट्ठाय पच्छा गंतूणं अंबडस्स अग्गओ सव्वं वुत्तंतं वयासी / तइया अंबडो वि सुलसाए धम्ममि थिरयं नच्चा अहो जं वीरसामिणा सहासमक्खं सयं धम्मलाहदाणेण संभाविया तं जुत्तमेव / जओ इत्थं मए चालिया वि एसा मणसा वि न चालिया' इअ चिंतिऊणं तं मायापवंचं संहरित्ता नियमूलरूवेणं सो सुलसाए गेहंमि पविसित्था / तओ तं आगच्छंतं ठूणं सुलसा वि साहम्मियभत्तीए निमित्तं सज्जो समुट्ठाय तस्संमुहं गंतूणं'हे तिजगगुरुणो सिरिविरपहुणो उवासग ! तुव सागयं होज' त्ति पण्हपुव्वयं तप्पायपक्खालणं कारित्ता सगेहचेइयं वंदावित्था / अंबडो वि सम्माणिओ समाणो विहिणा चेइयवंदणं विहेऊणं तं पइ वयासी-'हे महासइ ! एयंमि भरहंमि तुम चिय एगा पुण्णवई असि, जओ तुमं पइ सिरिवीरसामिणा सयं मम मुहेणं धम्मलाहो दाविओ अत्थि' / ___एयं सोच्चा अइसयाणंदसंपन्ना सा भगवओ विहरणदिसाहिमुही होऊणं सिरंसि अंजलिं काऊणं सिरिवीरपहुं हियए निहेऊणं पसत्थवायाए थुणित्था / तओ अंबडो विसेसओ तयासयपरिजाणणटुं पुणो तं वयासी–'मए इहं
