________________ सम्मत्तपढमलक्खण-उवसमभावे दमसाररिसिणो कहा-१०२ 131 अह साहू कोवेण जह जह सुयं गुणित्था तह तह नयरंमि अकम्हा परचक्काइवत्तापाउब्भावाओ सव्वे वि नयरलोगा भयभीया सोगाउला समाणा सव्वं स-धण-धन्नाइं चइऊणं केवलं नियजीवियं चेव घेत्तूणं पइदिसं नट्ठा, राया वि रज्जं चिच्चा नट्ठो, नयरं च सुन्नं जायं / तंमि समए पडण-खलण-पलायणाइकिरियाजणियविविहदुक्खेहिं दुहिए नयरलोगे दट्ठणं कोवाओ नियुत्तो साहू चिंतित्था-'अहो मए किं एयं कयं ? निक्कारणं चिय एए सव्वे लोगा दुहिया कया / परं सव्वण्णुवयणं कहं अन्नह होज्जा ? तम्हा पहुणा जं पुव्वं वुत्तं तं चिय जायं, मए मुहञ्चिय कोवं किञ्चा केवलनाणं हारियं' ति / तओ एवं पच्छातावं कुणंतो अइकरुणारसमग्गो सो साहू सव्वलोगाणं थिरीकरणटुं समुट्ठाणसुयं परावट्टिउं पारंभित्था / तस्स मज्झमि बहूई अल्हायजणगाई सुत्ताई संति / जाणं पहावाओ उव्वसं पि गामाइयं सज्जो सुवसं 1. मुधैव / /
