Page Text
________________ पाइअविनाणकहा-२ जं तुमए तीए वेसाए ईसा कया, अओ कक्करा कीडा संजाया / तओ सा तावसी तं गेहं चइऊणं अन्नहिं वासाय गया / एवं पराववायवज्जणेण सा सुहिणी जाया / 'पराववायतल्लिच्छ-तावसी फलियं जहा / नया सो न विहेयव्वो, अप्पणो हियभिच्छुणा / / 3 / / पराववायगहणम्मि तावसीए नउइयमी कहा समत्ता / / 9 / / -पवंधपंचसईए एगणउइयमी 'सढं पइ सढत्तणं समायरेज' इह सुगस्स कहा - सढोवरिं सढं कुज्जा, सुहत्थिणो सया जइ / वेसा-सुगाण दिलैतो, इह बुद्धिपदायगो / / 1 / / कम्मि वि नयरम्मि एगो सेट्ठी निच्चं सुपत्तदाणं देइ / भूवस्स पुरओ वेसा नञ्चं विहेइ / सा भूवाओ लोगेहिंतो य बहुधणं लहेइ / सो सेट्ठी कुपत्तणेण वेसाए किं पि न अप्पेइ / तइया लोगेहिं वुत्तं-तुं सेट्ठिणो पासाओ किं धणं न गिण्हेसि ? __एगया नरिंदे तुढे वेसाए वुत्तं-मम अज्ज सुमिणम्मि सेट्ठिणा लक्खदव्वं माणियं तं च अप्पावेहि / तओ रण्णा वुत्तं-सेट्ठि ! सुमिणम्मि माणियं दव्वं वेसाए देहि / तओ सो सेट्ठी 'किं कुणेमि' त्ति कसिणमुहो गिहं आगओ / साममुहं सेटिं पासिऊण सुगो वएइ ‘कहं अज्ज तुव साममुहं ?' सेट्ठिणा वेसाए वयणे वुत्ते समाणे सुगेण साहियं-एगं रयणं दप्पणस्स उवरिं धरिऊणं वेसाए अग्गओ निवम्मि पासंतम्मि कहियव्वं आयंसगमज्झम्मि ठियं रयणं गिण्हेहि, एवं कयम्मि जया सा वएइ-'इमं कहं गिव्हिज्जए' तइया तुमए कहियव्वं-सुमिणसरिसं इमं रयणं / सेट्ठिणा तहा कयम्मि वेसा जिया / वेसाए ‘सुगस्स बुद्धीए अहं जिया' इअ वियाणियं / __- एगया सेट्ठिसमीवाओ कीडणटुं दासिं पेसिऊणं मग्गावित्ता सुगो गहिओ / तम्मि रुट्ठा सा सुगस्स पक्खे छिदित्ता दासीए अग्गओ वयासी-अयं सगो भोयणटुं रंघियव्वो त्ति वोत्तूणं कज्जत्थं अन्नत्थ गया / सुगो नस्सिऊणं खालम्मि पविट्ठो / दासीए सुगे नढे अवरं मंसं रंधियं / सा वेसा भोयणसमये सुगमंसबुद्धीए तं मंसं भुंजती वयासी'भो सुग ! जं तुमए सेट्ठिणो बुद्धिदाणेण मम धणं निग्गमियं, तम्हा तुम्ह कयफलं चिय पासाहि' / तओ तीए वयणं खालसंठिओ सुगो सुणतो छण्णं आसी / मरणाओ भीओ सुगो खालगयं अन्नं खायंतो कमेण जायपक्खो उड्डेऊण वनम्मि गओ। 1. परापवादः परनिन्दा / /
| SR No. | 004269 |
| Book Title | Paiavinnankaha Part 02 |
| Original Sutra Author | N/A |
| Author | Kastursuri, Somchandrasuri |
| Publisher | Rander Road Jain Sangh |
| Publication Year | 2005 |
| Total Pages | 254 |
| Language | Hindi, Sanskrit |
| Classification | Book_Devnagari |
| File Size | 38 MB |