Page Text
________________ संसारस्स असारयाए वरदत्तस्स कहा-८५ 87 इह भरहखंडे सिरिपुरनयरम्मि धण्णो सेट्ठी, तस्स सुंदरी भज्जा होत्था / सा परपुरिसरत्ता होसी / तीए य उववई चंदो एगया तं कहेइ-सुंदरि ! अज्जपभिइं तुमए मम पासम्मि न आगंतव्वं / अहं तुव पियाओ भूवाओ य बीहेमि / सुंदरी वएइ-भीई न कायव्वा, अहं तहा काहं, जह पियहणणेण अम्हाणं भयं न होहिइ / अन्नया तीए दुद्धमज्झम्मि विसं खिवित्ता भत्तुणो विणासं नहेइ / पिओ जेमणाय उवविट्ठो / सा य अन्नं परिवेसिऊणं दुद्धाणयणटुं गिहमज्झे गया ताव सप्पेण डक्का' / भत्तुणा ओसढाई कयाई पि तीए गुणो न संजाओ / भज्जा मया / धण्णो रुविउं लग्गो / लोगेहिं वुत्तं-भज्जाए मयाए कायरो च्चिय रुवेइ, न सत्तसीलो साहसी / ___ तओ कमेण सो सोगरहिओ जाओ / तस्स मया भज्जा सङ्कलो होत्था / धण्णो उ संजमं धेत्तूणं दुक्करं तवं तवंतो विहरमाणो एगया वणम्मि संठिओ / तहिं पुव्वभववइराओ सो वग्यो तं हणित्था / सो समभावजुओ रिसी अअयसग्गम्मि देवो होत्था / वग्यो उ तुरियनिरयम्मि समुप्पन्नो / सो धण्णजीवो देवो सग्गाओ चवित्ता चपाए नयरीए दत्तसेट्ठिणो वरदत्तो नामं पुत्तो होत्था / कमेण सो सयलाओ कलाओ पढित्था / पुव्वब्भासाओ सो वेरग्गेण बालत्तणम्मि सम्मइंसणसहियवयाइं गिण्हित्ता दाणी विवेगवंतो य सो जाओ / सुंदरीजीवो निरयाओ निग्गत्तूणं भवं भमंतो वरदत्तगेहम्मि कामुगादासीए पुत्तो हुवीअ / वंचणसीलो ‘दासीपुत्तो' त्ति नामेणं सो पसिद्धि संपत्तो / पुव्वभवदोसेण सो वरदत्तं सत्तुंपिव पासेइ / पियरम्मि मयम्मि वरदत्तो गिहसामी संजाओ / सो य दासीपुत्तं सोयरं पिव मण्णित्था / दासीपुत्तो वरदत्तचित्तरंजणटुं भावं विणा धम्मं विहेइ / तं धम्मिटुं वियाणिऊण वरदत्तो साहेइ-मम एसो भाया, लोगे वि भायरत्तणेण सो पसिद्धिं उवागओ / सो य कमेण दासीपुत्तो वरदत्तं हंतूणं गिहसामी ठाउं महेइ / मायाइ सो नियं भत्तं जाणावेइ / एगया सो सयणावसरे विसलित्ताई नागवल्लीदलाई वरदत्तस्स अप्पित्था / वरदत्तो उ‘मए चउव्विहारपञ्चक्खाणं कयं' ति सुमरिऊणं ऊसीसगम्मि मोत्तूणं सुविओ / पभायम्मि वरदत्तो नमुक्कारगुणणपरो उट्ठाय देवहरम्मि देवे वंदिउं गच्छित्था / इओ वरदत्तभज्जाए हत्थम्मि पत्ताई ताई ताहे भायणाम्मि मुत्ताई, ताई दासीपुत्तो घेत्तूणं भुंजित्था / विसविगारेण मुच्छिओ भूमीए पडिओ / वरदत्तेण बहुणो उवयारा कया वि सो कमेण नियदोसेण च्चिय मञ्चुं पत्तो / सो य वरदत्तो भाउणो मरणम्मि तब्वियोगदुहिओ न सुहं सुवेइ भुंजेइ य / लोगेहिं बहुसो उवदिट्ठो कमेण सोगविरहिओ उप्पन्नवेरग्गो सो वरदत्तो पव्वजं घेत्तूणं विणमिरो उग्गतवपरो संपत्तमणपज्जवनाणो "महोदयमुणि त्ति नामं धरत्तो भव्वबोहणटुं इहं समागओ / सो य दासीपुत्तो एसा समलिगा मम पुव्वभवपत्ती वियाणियव्वा / अओ इमीए दंसणाओ मम हासं आगयं / तइया सा समलिगा पुव्वभवे सुमरिऊणं तरूओ उत्तरिऊणं गुरुपाएसुं नियावराहे खमावेइ / गुरुणा वुत्तं-पुव्वभवभज्जं दह्रण मए हसियं / सा समलिगा अणसणेणं गहिऊणं सग्गं गया / रायपमुहा बहवो लोगा जिणधम्म लहित्था / भूवई नियधणं सत्तसुं खित्तेसुं वइऊणं संजमं धेत्तूणं महोदयमुणिणा सद्धिं विहरित्था / कमेण 1. दष्टा /
| SR No. | 004269 |
| Book Title | Paiavinnankaha Part 02 |
| Original Sutra Author | N/A |
| Author | Kastursuri, Somchandrasuri |
| Publisher | Rander Road Jain Sangh |
| Publication Year | 2005 |
| Total Pages | 254 |
| Language | Hindi, Sanskrit |
| Classification | Book_Devnagari |
| File Size | 38 MB |