________________ 72 पाइअविन्नाणकहा-२ गब्भपाडणेच्छा होत्था, परं गब्भो पाडिज्जमाणो वि न पडिओ / कमेण तीए पुत्ती संजाया सा पुत्ती चंडालिए उक्करडम्मि चत्ता / एत्थंतरम्मि राया तत्थ समागओ समाणो चंडालिं वएइ-पुत्ती कहं चइज्जइ ? / तओ सा कहेइ-इमीए गब्भसंठियाए दुट्ठा डोहला संजाया / घरम्मि अज्जयणं अन्नं नत्थि / तओ रण्णा धणं दाऊणं सा पुत्ती माउपासाओ पच्छा गहाविया / तया राया पुरीए मज्झम्मि गओ / इओ य तहिं पुरम्मि भूवस्स पुत्तो उप्पण्णो, सो य थण्णपाणं न कुणेइ / तओ निवाइणो सव्वे दुहिया संति / राया पडहं वाएइ-'जो रायपुत्तं थण्णं पिवंतं विहेइ, तस्स राया गामसयं देइ' एवं पडहो वाइज्जमाणो न केन वि फासिओ / तओ पडहफरिसणपुव्वं विक्कमराया भूवपुत्तपासम्मि संगओ / केण वि अस्स बालस्स गलं रुद्धं एवं झाइत्ता नियकंठम्मि असिं दाऊणं वएइ-जेण केण वि अस्स बालस्स गलं रुद्धं सिया सो मम पुरओ पयडीहोउ, जइ णो तइया अहं मरिस्सं ति /
