________________ 71 दाणादाणफलम्मि भीम-किवणसेट्ठिणो कहा-७९ JU ON गच्छिऊण साहित्था-मम गेहे अतिही आगओ अत्थि, तस्स हं भोयणं दास्सं, तओ घयं अप्पाहि / सो साहेइ धणं अप्पेसु / भीमो वएइ-अइहीणं दाणे दिण्णे जं पुण्णं होज्जा, तं तवावि होही / किवणो साहेइ-'मम पुण्णेण अलाहि', को अहिगपुण्णस्स भारं वहेज्जा / तओ भीमो-'चउग्गुणं घयं दाहिस्सं' ति वोत्तूणं घयं आणेऊण विक्कमपाहुणगं सायरं जेमावेइ / भीमघरम्मि राया राईए संठिओ / तइया दइव्वजोगाओ तएव राईए किवणभीमसेट्ठिणो मच्चं पाविआ / राया तं जाणिउण झाएइ-मम भीमेण सायरं दाणं दिण्णं, सो सेट्ठी कहं मओ ?, जीविएण ममावि अलं, हं मरिस्सं, तओ जाव मरिउकामो भूवो असिं उयरम्मि पक्खिवेइ, ताव पुणो पुणो आगासवाणी पयडीहूआ ‘इओ दसमम्मि मासम्मि तुमए कंतीपुरीए गंतव्वं, तहिं दाणफलं पासिहिसि' तओ राया नवमासाणंतरं कंतीपुरीए समीवम्मि गओ, तहिं एमस्स चंडालस्स भज्जा पुत्तीछक्कं पसवेसी / घरम्मि दालिदं अत्थि / तीए जया सत्तमो गब्भो संजाओ, तइया
