Page Text
________________ सिप्पकलावुड्डीए सिप्पिपुत्तस्स कहा-२४ भुल्लं दंसेइ, कया वि सिलाहं न कुणेइ / तओ सो सुहुमदिट्ठीए सुहुमं सुहुमं सिप्पकिरियं कुणेऊण पियरं दंसेइ, पिया तत्थ वि कंपि खलणं दरिसेइ, 'तुमए सोहणयरं सिप्पं कयं ' ति न कयाई तं पसंसेइ / अपसंसमाणे पिउम्मि सो चिंतेइ-'मम पिआ मज्झ कलं कहं न पसंसेज्जा ?, तओ तारिसं उवायं करेमि, जओ पियरो मे कलं पसंजेज्ज / एगया तस्स पिआ कज्जप्पसंगेण गामंतरे गओ, तया सो सोमदत्तो सिरिगणेसस्स सुंदरयमं पडिमं काऊण, तीए हिटुंमि गूढं नियनामंकियचिन्हं करिऊण, तं मुत्तिं नियमित्तद्दारेण भूमीए अंतो ठवेइ / कालंतरे गामंतराओ पिआ समागओ / एगया तस्स मित्तो जणाणमग्गओ एवं कहेइ-'अज्ज मम सुमिणो समागओ, तेण अमुगाए भूमीए पहावसालिणी गणेसस्स पडिमा अत्थि' / तया लोगेहिं सा पुढवी खणिआ, तीए पुहवीए सुंदरयमा अणुवमा गणेसस्स मुत्ती निग्गया / तदंसणत्थं बहवो लोगा समागया, तीए सिप्पकलं अईव पसंसिरे / तया सो इंददत्तो वि सपुत्तो तत्थ समागओ / सो गणेसपडिमं दट्टणं पुत्तं कहेइ-“हे पुत्त ! एसच्चिअ सिप्पकला कहिज्जइ / केरिसी पडिमा निम्मविआ !, इमाए निम्मवगो खलु धण्णयमो सलाहणिज्जो य अस्थि / पासेसु, कत्थ वि भुल्लं खुण्णं च अस्थि ? / जइ तुमं एआरिसिं पडिमं निम्मवेज्ज, तया ते सिप्पकलं पसंसेमि, नन्नहा" / पुत्तो वि कहेइ-“हे पियर ! एसा गणेसपडिमा मए चिय कया / इमाए हिट्ठमि गुत्तं मए नामंपि लिहिअमत्थि" / पिआवि लिहिअनामं वाइऊण खिन्नहियओ पुत्तं कहेइ–“हे पुत्त ! अज्जदिणाओ तुं एरिसं सिप्पकलाजुत्तं सुंदरयमं पडिमं काउं कया वि न तरिस्ससि, जया हं तव सिप्पकलासु भुल्लं दंसंतो, तया तुमं पि सोहणयरकज्जकरणल्लिच्छो सण्हं सण्हं सिप्पं कुणंतो आसि, तेण तव सिप्पकलावि वढ्ती हुवीअ / अहुणा ‘मम सरिच्छो नन्नो' इइ मंदूसाहेण तुम्हम्मि एआरिसी सिप्पकला न संभविहिइ" / एवं सो सरहस्सं पिउवयणं सोञ्चा पाएसु पडिऊण पिउत्तो पसंसाकरावणसरूवनिआवराहं खामेइ, परंतु सो सोमदत्तो तओ आरब्भ तारिसिं सिप्पकलं काउं असमत्थो जाओ / / उवएसो दिद्रुतं सिप्पिपुत्तस्स, नञ्चा गुणगणप्पयं / / 'पुजाणं वयणं सोचा पडिऊलं न चिंतह' / / 2 / / सिप्पकलावुड्डीए सिप्पिपुत्तस्स चउवीइसमी कहा समत्ता / / 24 / / -गुजरभासाकहाए 1. मदितं चूर्णितं च / / 2. - प्रदम् / /
| SR No. | 004268 |
| Book Title | Paiavinnankaha Part 01 |
| Original Sutra Author | N/A |
| Author | Kastursuri, Somchandrasuri |
| Publisher | Rander Road Jain Sangh |
| Publication Year | 2005 |
| Total Pages | 224 |
| Language | Hindi, Sanskrit |
| Classification | Book_Devnagari |
| File Size | 33 MB |