Page Text
________________ 52 पाइअविनाणकहा-१ पावियव्वो” / विज्जाहरो कहेइ-“एसो निद्धणो निब्भग्गो अस्थि / दिण्णधणो वि निब्भग्गयाए सो निद्धणो होज्जा”। विज्जाहरी कहेइ-“पिय ! तुम किवणो असि, तेण एवं कहेसि" ! विज्जाहरो कहेइ-"हं सच्चं वएमि, हे पिए ! तुम्ह वीसासो न होज्जा, तया एयस्स परिक्खं कुणेमो, जंमि पहे एसो गच्छइ, तयग्गओ किंचि दूरे पहंमि कोडिमुलं एयं कुण्डलं ठविस्सामि, जइ सो तं गिण्हेज्जा तया तस्स इमं कुण्डलं" / एवं कहिऊण सो विज्जाहरो तस्स निद्धणस्स नाइदूरे नच्चासण्णे तं कुंडलं मग्गे ठवीअ / गच्छंतस्स तस्स तं कुडलं जया समीवमागयं, तया सो भग्गहीणयाए एवं चिंतेइ-“अंधो कहं चलेज्ज" एवं चिंतित्ता सो अंधो भविऊण मग्गे ताव चलिओ, जाव तं कुंडलं पच्छा ठिअं। सो निद्धणो सम्मुहत्थं पि कुंडलं निब्भग्गयाए न पावीअ / तं च कुंडलं विज्जाहरेण गहीअं / एवं भग्गहीणा पुरिसा सम्मुहत्थं पि दव्वं न पासिंति / उवएसो निब्भग्गस्स कहं एयं, सुणिऊण जणा सया / 'सोहग्गकारणे धम्मे, उजमेजा हियट्ठिणो' / / 2 / / दिव्वकुंडलपत्तीए निब्भग्गस्स सत्तरसमी कहा समत्ता / / 17 / / -सूरीसरमुहाओ 18 अट्ठारसमी अमंगलियपुरिसस्स कहा ----------- अमंगलमुहो लोगो, नेव कोवीह भूयले / वहाइटेण भूमीसो, अमंगलमुहो कओ / / 1 / / एगंमि नयरे एगो अमंगलिओ मुद्धो पुरिसो आसि / सो एरिसो अत्थि, जो को वि पभायंमि तस्स मुहं पासेइ, सो भोयणं पि न लहेज्जा / पउरा वि पञ्चूसे कया वि तस्स मुहं न पिक्खंति / नरवइणावि अमंगलियपुरिसस्स वट्टा सुणिआ / परिक्खत्थं नरिंदेण एगया पभायकाले सो आहूओ, तस्स मुहं दिटुं / जया राया भोयणत्थमुवविसइ, कवलं च मुहे पक्खिवइ, तया अहिलंमि नयरे अकम्हा परचक्कभएणं हलबोलो जाओ / तया नरवई वि भोयणं चिच्चा सहसा उत्थाय ससेण्णो नयराओ बाहिं निग्गओ / भयकारणमदट्ठण पुणो पच्छा आगओ समाणो नरिंदो चिंतेइ-“अस्स अमंगलिअस्स सरूवं मए पच्चक्खं दिटुं, तओ एसो हंतव्वो" एवं चिंतिऊण अमंगलियं बोल्लाविऊण वहत्थं चंडालस्स अप्पेइ / जया एसो रुयंतो, सकम्मं निंदतो चंडालेण सह गच्छेइ / तया एगो कारुणिओ बुद्धिनिहाणो वहाइ नेइज्जमाणं तं दट्ठणं कारणं णच्चा तस्स रक्खणाय कण्णे किंपि कहिऊण उवायं दंसेइ / हरिसंतो जया वहत्थंभे ठविओ, तया चंडालेण सो पुच्छिओ-'जीवणं विणा तव कावि इच्छा सिया, ता मग्गसु 1. कोलाहलः / /
| SR No. | 004268 |
| Book Title | Paiavinnankaha Part 01 |
| Original Sutra Author | N/A |
| Author | Kastursuri, Somchandrasuri |
| Publisher | Rander Road Jain Sangh |
| Publication Year | 2005 |
| Total Pages | 224 |
| Language | Hindi, Sanskrit |
| Classification | Book_Devnagari |
| File Size | 33 MB |