Page Text
________________ दाणविलम्बोवरिं जुहिट्ठिलमीमसेणाणं कहा-९ अस्थि / जया को वि देसो जिणिज्जइ, तया सा वाइज्जइ / वाइज्जमाणाए ढक्काए पउरेहिं जाणिज्जइ, अज्ज को वि देसो पंडवेहिं जिओत्ति / भीमसेणो वि सयं तं ढक्कं महादंडेण वाइउं लग्गो / तया तीए ढक्काए महागज्जणारवो पउरेहिं सुओ / जुहिट्ठिलेणावि सुणिओ / सो चिंतेइ-'अज्ज ढक्कं को किमत्थं वाएइ ? ' त्ति / पासत्थिअं नरं पुच्छइ / सो नरो निरिक्खिऊण आगओ समाणो नरिंदं कहेइ-'हे महाराय ! अज्ज भीमसेणभाया विजयढक्कं वाएइ' / धम्मपुत्तो भीमसेणं बोल्लाविऊण पुच्छइ-' हे भायर ! अज्ज को अउव्वो देसो केण विजिओ ? , जेण सयं तुं विजयढक्कं वाएसि ' / भीमसेणेण उत्तं-'हे महाराय ! तित्थंकरहिं केवलीहिं जोगीहिं महारिसीहिं च जो कया वि न जिओ, सो अज्ज जिओ, तेण इमा विजयढक्का मए वाइज्जइ ' / धम्मपुत्तेण पुढे ' किं तए जिअं?' / भीमसेणो कहेइ–'निब्बलस्स मम अज्जेअंतं जेउं सत्ती नत्थि' / पुणरवि पुटुं-'तो केण जिओ ? ' / भीमसेणो कहेइ-' हे महाराय ? तुमए सो विजिओ' / जुहिट्ठिलो पुच्छइ-'कया मए जिओ' ? / भीमसेणो कहेइ-'अज्ज अहुणा य' / जया सो माहणो एत्थ आगओ, तया सो भवंतेण उत्तो-कल्ले दाइस्सं ' त्ति / तओ नज्जइ एगदिणं जाव भवंतेण कालस्स विजओ कओ / पुव्वं केण वि महापुरिसेण कालो न जिओ, तए पुणो सो जिओ / तेण अच्छेरजुत्तेण मया ढक्का वाइआ / नीइसत्थे वि कहिअं-“जं कल्ले कायव्वं तं अज्ज करणिज्जं / जं अज्ज संझाए कायव्वं, तं मज्झण्हे करणीअं / जं मज्झणिज्जं करणिज्जं, तं अहुण च्चिअ कायव्वं, जओ मच्चू नहि पइक्खए, अणेण नियकज्जं कयं अहवा न कयं ति, तओ सुहाणं कज्जाणं करणे विलंबो न कायव्वो" / तं सुणिऊण धम्मपुत्तो महारायो नियं पमायं जाणित्ता, तं बंभणं सिग्धं बोल्लाविऊण बहु धणं दाहीअ / एवं दाणे विलंबो न कायव्वो / उवएसो - वयणं भीमसेणस्स, दाणे जुत्तिसमन्नियं, / सुणित्ता भविया ! तंमि, पमायं परिवजह / / 2 / / दाणविलंबोवरिं जुहिट्ठिल-भीमसेणाणं नवमी कहा समत्ता / / 9 / / -सूरीसरमुहाओ
| SR No. | 004268 |
| Book Title | Paiavinnankaha Part 01 |
| Original Sutra Author | N/A |
| Author | Kastursuri, Somchandrasuri |
| Publisher | Rander Road Jain Sangh |
| Publication Year | 2005 |
| Total Pages | 224 |
| Language | Hindi, Sanskrit |
| Classification | Book_Devnagari |
| File Size | 33 MB |