Page Text
________________ 10 पाइअविनाणकहा-१ रोयणं सोच्चा सेट्ठी वियारेइ 'मज्झरत्तीए को दुक्खी रोयइ' / नियभज्जं उट्ठाविअ दीवं गहिऊणं तत्थ आगच्छइ, तहिं, रोयमाणिं एगं इत्थिं पासेइ, पुच्छइ य तुमं का सि ?, केण य कारणेण रोएसि त्ति रोयणकारणं च पुच्छइ / सा कहेइ हं लच्छी “तुज्झ दाणगुणरंजिआ अज्ज जाव तव गेहे गुणाणुरागबद्धा सुहेण ठिआ / अहुणा ते पुण्णं झीणं, तओ हं तव गेहाओ गमिस्सामि त्ति पेमबद्धा पुच्छिउं आगया" / सेट्ठिणा उत्तं-“एगसरिसी अवस्था कस्स होइ?, एत्थ किं चोज्जं ?, सुहेण गच्छसु तुं" / लच्छीदेवी तन्नेहपासबद्धा वएइ-'इओ अट्ठमे दिणे गच्छिस्सं, ताव तुं मज्झ किवाए जहेच्छं विलस त्ति' वोत्तूणं सुरालयं गया / पच्चूसे सेट्ठी वियारेइ-'जइ लच्छी निय-इच्छाए गच्छइ, तया निक्कासणमेव वरं ति चिंतित्ता, घरसारवत्थूणि गेहाओ बाहिरं निक्कासिअ दीणाणाहदुहिजणाणं दाणं दाउं पउत्तो / एवं सत्तदिणं जाव, अट्ठमे य दिणे निद्धणो जाओ सो तत्थ ठाउं अचयंतो नयराओ बाहिं संझाए नईतडत्थिए नियपासाए सपरिवारो गओ / तत्थ रत्तीए मुसलपमाणधाराहिं मेहो वुट्ठो / जलपूरेण नई पवाहिआ / पासायब्भंतरजलप्पवेसणेण जिण्णपासाओ पडिओ। सव्वाइं वत्थूणि जले पवाहिआणि / सेट्ठी जीवरक्खणत्थं भज्जा-पुत्तजुगसंजुओ रुक्खमारूढो पवहत्तिं नई पासइ। तत्थ सपासायमज्झाओ निग्गयं सुवण्णथालगकोत्थलगं नईए तरंतं देक्खइ, देक्खित्ता निव्वहणत्थं कोत्थलगयं थालिमेगं करिसेइ / दइव्वपडिकूलयाए थालिगाए कंठखंडो हत्थे आगओ / कोत्थलगो पवाहिओ जले / सो खंडो नियसिरवेढगे निबद्धो / नईपवाहे अप्पीभूए रुक्खाओ अवयरिऊण ते सव्वे गामाओ निग्गया, जया य थक्किआ पुत्ता, तया एगं पुत्तं सेट्ठी खंधे आरोवेइ, अन्नं च सेट्ठिणी / मग्गंतरे खुहापीलिआणं पुत्ताणं अंबफलाई भक्खाविंता सेट्ठिणीसेट्ठिणो अग्गओ चलिआ / एवं अंतरे अंतरे गामवासकरणेण नियविसयाओ बहुदूरं निग्गय त्ति / _'बुहुक्खा-दुक्खद्दिया भमंता विमलपुरीए बाहिरं समागया / तत्थ पुरवरीए एगो धम्मदासो सत्थवाहो परिवसइ / सो कयाणगाइं गहिऊणं समुद्दमग्गे वाणिज्जत्थं गओ / रयणदीव-बब्बरकूलाई भमंतो बहुधणमुवजंतो पच्छा सविसयसंमुहं समागच्छमाणो अत्थि, तया अस्स जिणदाससेट्ठिवरस्स जं धणं नइप्पवाहेण पवाहिअं, तं सव्वं समुद्दब्भंतरे समागयं तं सव्वघणं गुत्तरयणभरिअपट्टगसणाहं तह य तेण सुवण्णथालगकोत्थलगेण सह तस्स सत्थवाहस्स संपन / तीए समिद्धीए महारिद्धिवंतो नियनगरे समागओ / जंमि दिणे सो जिणदासो सकुडुंबो नयरबाहिरे आगओ, तद्दिणे ञ्चिअ सो सत्यवाहो सव्वं गाम जेमाविउमारद्धो / भोयणावसरे सो जिणदासो दुण्डं पुत्ताणं कत्थवि चणगे लळूण भोयणाए अप्पेइ / तया गामवासिणीओ इत्थीओ जलत्थं गच्छंतीओ ते दह्रण कहिंति-"भो लोगा ! किमत्थं चणगे खाएह ? , अज्ज नयरंसि सत्थवाहो सव्वं गामं भुंजावेइ, तुम्हे वि तत्थ चलह, साउरसं च भोयणं भुंजह" / जिणदासेण उत्तं-'अम्हारिसाणं पारद्धे तं नत्थि, तेण इणमेव सेटुं' / ताओ गामे गच्चा सत्थवाहं कहिंति-"तुं सव्वं गामं भुंजावेसि, किंतु गामबाहिरे केवि परदेसवासिणो आगया, ते भोयणं करिउं नागच्छंति, बुभुक्खिआ एव चिट्ठति, तं न वरं " / तं सोच्चा सत्थवाहो ताणं बोल्लवणत्थं पुरिसे पेसेइ / ताणमईव अग्गहवसेण जिणदासो सकुडुबो तत्थ गओ / सत्थवाहो वि आगयं तं जिणदासं सम्माणिअ अप्पणा सद्धिं भुंजावेइ /
| SR No. | 004268 |
| Book Title | Paiavinnankaha Part 01 |
| Original Sutra Author | N/A |
| Author | Kastursuri, Somchandrasuri |
| Publisher | Rander Road Jain Sangh |
| Publication Year | 2005 |
| Total Pages | 224 |
| Language | Hindi, Sanskrit |
| Classification | Book_Devnagari |
| File Size | 33 MB |