Page Text
________________ वुड्डाए कहा-४ किसीभूएण तए सिंघो हओ' ? / तेण उत्तं-'मए च्चिअ हओ' इअ सच्चं कहिअं / तहा सेट्ठिणा नरिंदस्स तं पण्णविअं-'एएण खत्तियपुत्तेण सीहो हओ, न तुम्ह सुहडेण' / ___ निवेण सुहडो बोल्लाविओ पुच्छिओ य / सो कहेइ ‘मए हओ' / निवेण निण्णयत्थं ते दुण्णि पुरिसा वुड्डमंतिस्स समप्पिआ / सो मंती निण्णयत्थं भिण्ण-भिण्णावरगे दुण्णि ठविआ ? / सो मंती नियदाढिआए दीहं तणं धरिऊण पुत्थयं पढंतो आसि / तंमि समए पढमं रायसुहडो आहूओ / सो आगओ, मंतिं च पढंतं दट्ठण दाढिगाए तिणं दट्ठण तिणस्स अवणयणत्थं हत्थं उप्पाडेइ / तया सो मंतिणा 'हुं हं' ति वोत्तूण भयं पाविओ, भयाउलो सो भग्गो / पच्छा सो खत्तियपुत्तो आहूओ / तेण वि दाढिगाठिअतिणावणयणत्थं हत्थो उप्पाडिओ, तया सो मंती हुंकारं मुंचइ / सो निब्भओ दाढिअं मुट्ठीए गिण्हइ, न मुंचइ / तया मंतिणा जाणिअं-जं एसो चेव खत्तियउत्तो सिंघवहगो अस्थि / तं निवपुरओ नेऊण कहिअं ‘एसो च्चिअ सिंघवहगो जाणियव्वो' कहं ?, तेण सव्वं वुत्तं कहिअं / एसो किसो वि निब्भओ, सुहडो थूलो वि सभओ, भयाउलो कहं सीहं हणिज्ज त्ति ? / निवेण सो सुहडो धिक्कारिओ निक्कासिओ य / खत्तियउत्तो सम्माणिओ, पाहुडं तस्स दिण्णं / / उवएसो सञ्च-नायपयाणंमि, वुड्ढमंतिसमस्सियं / सोचा अक्खाणगं रम्मं, जएह तह निण्णए / / 2 / / सञ्चनायपयाणे वुड्ढमंतिणो तइया कहा समत्ता / / 3 / / - गुजरभासाकहाए चउत्थी वुड्डाए कहा - - - - - - - - - - - परिणामं समिक्खित्ता, तहा सम्माणकारगा। अप्पा संति जए लोगा, वुड्ढाए एत्थ नायगं / / 1 / / एगया घय-चम्मवावारिणो घयचम्मगहणत्थं नियगामाओ निग्गया / कम्मिवि गामे एगाए थेरीए गिहे भोयणत्थं गया / सा थेरी भावओ बोल्लावेइ, भोयणावसरे घयवावारिं गिहब्भंतरे, चम्मवावारियं गिहाओ बाहिरं भोयावेइ, भोत्तूण गामंतरे गया / जया पुणो घय-चम्माई किणिऊण आगया ते दुण्णि थेरीए गेहे / तया भोयणावसरे चम्मवावारिं गिहब्भंतरं, घयवावारिं च गिहाओ बाहिरं भोयावेइ / भोयणंते तेहिं कमभेयकारणं वुड्ढा पुट्ठा / सा कहेइ-“पुव्वं तुम्हे जया आगया तया घयवावारिणो चित्तं विसुद्ध हुवीअ, जेण अहुणा जइ पसुधणं बहुं होइ तया सोहणं, घयं सुलह अप्पमुल्लेण बहुं लब्भइ, एवं भावविसुद्धीए गेहब्भंतरे सो भोयाविओ / तया चम्मवावारिणो असुद्धं चित्तं, जओ सो एवं चिंतइ-जइ पसुधणस्स 1. समीक्ष्य / /
| SR No. | 004268 |
| Book Title | Paiavinnankaha Part 01 |
| Original Sutra Author | N/A |
| Author | Kastursuri, Somchandrasuri |
| Publisher | Rander Road Jain Sangh |
| Publication Year | 2005 |
| Total Pages | 224 |
| Language | Hindi, Sanskrit |
| Classification | Book_Devnagari |
| File Size | 33 MB |