________________ 136 पाइअविनाणकहा-१ घरंमि महारिसी समागओ' एवं कहित्ता अन्नन्नाभावेण तं चिय साउरसं मोयगं विसुद्धभावणाए समप्पेइ / सो समणो सुद्धमाहारं दट्ठणं गिण्हेइ, धम्मलाहं च दाऊण तस्स घराओ निग्गओ / KAV तयणंतरं चेव कावि पाडिवेस्सिया तस्स समीवंमि आगंतूण कहेइ-'किं तुमए सो मोयगो खाइओ न वा?'। सो कहेइ-'मए सो भिक्खत्थमागयस्स मुणिवरस्स दिण्णो' / तया सा कहेइ-अरे मुरुक्ख ! सो लड्डुओ अभुत्तपुव्वओ सुरहिगंधसंजुत्तो सुरसो अवस्सं चक्खणिज्जो आसि / किं तुमए न खाइओ ? / तया सो भायणगयमोयगचुण्णं आसायंतो मोयगासायरसलुद्धो तं भक्खिउं इच्छंतो विस्सरिअदाणधम्मफलो लोहंधो धावमाणो तस्स मुणिवरस्स पिट्ठओ गओ, तं समणवरं पाविऊण कहेइ-'हे मुणिवर ! मए अप्पियं भोयगं पच्चप्पेहि / तया मुणी कहेइ-मुणिपत्ते पडियमन्नं कयावि न पञ्चप्पिज्जइ' त्ति एवं तं पडिबोहेइ / सो मोयगरसमूढो न मन्नेइ, तया 1. अन्यान्नाभावेन / /
