________________ 126 पाइअविनाणकहा-१ एगया सरयसमयंमि मित्तजुओ इलाइपुत्तो उज्जाणमुवगओ, तत्थ तेण लंखयमझमि नच्चंती एगा रूवजोव्वण-सोहग्ग-कला-कलाव-निही चेडी पुलोइआ / तीए रूवनिरिक्खणेण अक्खित्तचित्तो वम्महपीलिओ संजाओ। कत्थ वि धिइं न धरइ / मित्तेहिं पुच्छियं-'वयंस ! किमेयं सयलजणहसणिज्जं इहपरलोगविरुद्धं तए समारद्धं' / भणियमणेण अहंपि जाणामि जहा कुलकलंकहूयमिणं, ता किं करेमि ?, अइदुद्धरा मे मयणावत्था / तेहिं भणियं-'अलमित्थाणुरागेण, न खलु सीयलं पि मायंगजलं अञ्चंततण्हाणुगओ वि चोद्दसविज्जाठाणपारगो पहाणबंभणो इच्छइ / मायापिऊणं अञ्चंतं दुक्खं होस्सइ. तम्हा सपरोभयसंतावकारिणा किमणेण दुट्ठज्झवसाएण ?, नियत्तसु एयाओ ठाणाओ' / इलाइपुत्तेण भणियं-'अहं पि एयं सम्मं जाणामि, किं तु मम जीवियं एयाए आयत्तं, अलाहि पुणरुत्तभणिएहिं' / वियाणिओ एस वुत्तंतो जणयाईहिं' / 1. वारं वारम् / /
