Page Text
________________ इक्कतीसइमी सुपत्तदाणभावणाए सालिभद्दपुव्वभवस्स कहा - - - - - - - - - पुव्वजम्मम्मि दाणेच्छा, अंते पत्तेसु जायए / तीए सुही नरो होजा, सालिभद्दो नियंसणं / / 1 / / कम्मिवि नयरम्मि नयरसेट्ठी आसि / तस्स चत्तारि पुत्ता, चउरो य एहसाओ संति / सो सेट्ठिवरो कोडीसरो वि अच्चंतो लोही वट्टइ, कयाई दाणं न देइ / एगया चत्तारि पुत्तवहूओ जिणमंदिर दंसणत्थं सिंगारं सज्जिअ गिहाओ निग्गयाओ / मग्गे जुव्वणमएण इओ तओ अवलोगणेण गच्छंतीणं तासिं लहुपुत्तवहूए एगा वुड्डा संघट्टिआ पडिआ य / तीए वुड्डाए उत्तं-“रे रे संमुहं किं न पासेसि ?, आहूसणेहिं वित्तेहिं नवेसेहिं च मयंधा तुमं?, तुम्ह पिउणा ससुरेण वा किं दीणदुहियाणं, दाणंदिण्णं ? नयरंमि किं जसकित्तिकम्मं कयं ?, जेण एवं उद्धत्तणेण चलेसि, गव्वंधा मं पि संमुहत्थं न पेक्खसि ?" एवं उत्ता समाणी जिणमंदिरे चेइआई वंदित्ता, घरंमि आगच्च कोवंधा कोवघरंमि ठिआ समाणी परिवारेण सह नालवेइ / तया तीए पिएणं जेट्टपुत्तवहू कारणं पुट्ठा, कारणं कहिअं, तं सोच्चा तेहिं चऊहिं पुत्तेहिं वियारिअं-'अम्हाणं पिआ लोहंधो 'दरे सद्धम्मकजंमि दव्ववओ' नाइजेमणं पि न करेइ, तेण अम्हाणं जसो कित्ति अ कुओ?, अओ केण वि उवाएण नाइभोयणं कायव्वं / पिउवच्छलेण लहुभाउणा वुत्तं-'अहं पियरं कज्जवावारे तह ठविस्सामि, जह सो नाइभोयणं न जाणिस्सइ, तुम्हेहिं च आमंतिअ सव्वे नाइजणा घरंगणे भोयाविअव्वा / तेहिं अणुमयं / - अण्णंमि दिणे कम्मिवि महसवपसंगे नाइजणा आमंतिआ, घरंगणे रसवई पउणीकया, सव्वे नाइजणा भोयणत्थं समागया, तंमि समये लहुपुत्तेण पिया कयविक्कयवावाराइकज्जे रुधिओ / समागयलोगहलबोलसवणेण पियरेण पुटुं-'किं अज्ज जणकोलाहलो सुणिज्जइ ?' लहुपुत्तेण वुत्तं-'किंपि न, कारणपसंगेण समागया होज्जा / संदेहेण पिउणा उत्थाय वायायणाओ बाहिरमवलोइअं, तया भुंजमाणा णाइजणा दिट्ठा, चिंतिअं च किल पुत्तेहिं हे वंचिओ म्हि !, 'हा ! हा ! धिद्धि मं, किंपि मए सकयं हत्थेण न कयं / एवं अधिइमावन्नो सो जिमंतलोगपंतीए बाहिं दूरट्ठिअं साहुजुगलं भिक्खत्थं भममाणं पासेइ, तं दह्रण तस्स सुहभावो जाओ, विआरिअं च “धन्नो हं, जं एअं मुणिजुगलं मम दिट्ठिपहमि आगयं, इओ गंतूण मुणिवराणं पाए पणमिअ सुद्धमाहारं देमि", एवं विआरयंतो सुपत्तदाणदिण्णमणो सो नीसरणीए ओयरंतो खलियपाओ सहसा हिट्ठम्मि भूमियले पडिओ, निविडयरउवघाएण तक्खणे मच्चु पत्तो / आहारदाणवियारणाए बद्धमणुआऊ सो आहीरगेहे संगमो नाम पुत्तत्तणेण समुवन्नो / एगया महूसवे तस्स गेहे माऊए पुत्तत्थं मग्गित्ता पायसभत्तं रंधिअं / माया पुत्तस्स थालीए खीरं परिवेसिअ पओयणत्थं अन्नहिं घरे गया / जया सो संगमो भोयणत्थं उवविट्ठो, तया तस्स पुण्णुदएण कोवि पञ्चक्खायमासिअभत्तखमणगो पारणदिणे भिक्खत्थं भमंतो तत्थ आगओ / सो संगमो तं महातवंसि पासेइ, पासित्ता पुव्वभवदाणपरिणामवसाओ तस्स आहारदाणपरिणामो जाओ ‘एयस्स महामुणिणो हं दाणं देमि' त्ति
| SR No. | 004268 |
| Book Title | Paiavinnankaha Part 01 |
| Original Sutra Author | N/A |
| Author | Kastursuri, Somchandrasuri |
| Publisher | Rander Road Jain Sangh |
| Publication Year | 2005 |
| Total Pages | 224 |
| Language | Hindi, Sanskrit |
| Classification | Book_Devnagari |
| File Size | 33 MB |