________________
प्रथम अध्ययन - संयमोपकरण की मांग
वा ते हियइच्छिए सामत्थे? तए णं से सुबाहु राया अम्मापियरो एवं वयासीइच्छामि णं अम्मयाओ! कुत्तियावणाओ रयहरणं पडिग्गहगं च आणिउं कासवयं च सद्दावेउ। तए णं से अदीणसत्तू राया कोडुंबियपुरिसे सद्दावेइ, सद्दावित्ता एवं वयासी-गच्छह णं तुन्भे देवाणुप्पिया! सिरिघराओ तिण्णि सयसहस्साइं गहाय दोहिं सयसहस्सेहिं कुत्तियावणाओ रयहरणं पडिग्गहगं च उवणेह, सयसहस्सेणं कासवयं सद्दावेह। तएणं ते कोडुंबिय पुरिसा अदीणसत्तुणा रण्णा एवं वुत्ता समाणा हट्ठ तुट्ठा सिरिघराओ तिण्णि सयसहस्साइं गहाय कुत्तियावणाओ दोहिं सयसहस्सेहिं रयहरणं पडिग्गहं च उवणेति। सयसहस्सेणं कासवयं सद्दावेंति। तए 'णं से कासवए तेहिं कोडुंबिय पुरिसेहिं सदाविए समाणे हटे जाव हियए ण्हाए कयबलिकम्मे कयकोउयमंगलपायच्छित्ते सुद्धप्पावेसाई वत्थाई मंगलाई पवरपरिहिए. अप्पमहग्याभरणालंकिय सरीरे जेणेव अदीणसत्तू राया तेणेव उवागच्छइ, उवागच्छित्ता अदीणसत्तुं रायं करयलमंजलिं कटु एवं वयासी-संदिसह णं देवाणुप्पिया! जं मए करणिज्जं ? तएणं से अदीणसत्तू राया कासवयं एवं वयासी-गच्छाहि णं तुमं देवाणुप्पिया! सुरभिणा गंधोदएणं णिक्के हत्थ पाए पक्खालेह। सेयाए चउप्फालाए पोत्तीए मुहं बंधित्ता सुबाहुस्स कुमारस्स चउरंगुलवज्जे. णिक्खमणपाउग्गे अग्गकेसे कप्पेहि। तएणं से कासवए अदीणसत्तुणा रण्णा एवं वुत्ते समाणे हट्टतुट्ठहियए जाव पडिसुणेइ, पडिसुणित्ता, सुरभिणा गंधोदएणं हत्थ पाए पक्खालेइ, पक्खालित्ता सुद्धवत्थेणं मुहं बंधेड़ बंधित्ता परेण जत्तेणं सुबाहुस्स कुमारस्स चउरंगुलवजे णिक्खमण पाउग्गे अग्गकेसे कप्पेइ। तएणं तस्स सुबाहुस्स कुमारस्स माया महरिहेणं हंसलक्खणेणं पडसाडएणं अग्गकेसे पडिच्छइ पडिच्छित्ता सुरभिणा गंधोदएणं पक्खालेइ, पक्खालित्ता सरसेणं गोसीसचंदणेणं चच्चाओ दलयइ दलइत्ता सेयाए पोत्तीए बंधेइ, बंधित्ता रयणसमुग्गयंसि पक्खिवइ, पक्खिवित्ता मंजूसाए पक्खिवइ, पक्खिवित्ता हारवारिधारसिंदुवार-छिण्णमुत्तावलिप्पगासाई सुयवियोगदूसदाई अंसूई
Jain Education International
For Personal & Private Use Only
www.jainelibrary.org
