Page Text
________________
चन्द्रप्रज्ञप्ति सूत्र अट्ठ देवसाहस्सीओ परिवहंति, तं०-पुरस्थिमेणं सीहरूवधारीणं देवाणं दो देवसाहस्सीओ परिवहंति, एवं जाव उत्तरेणं तुरगरूवधारीणं०, ता णवत्तविमाणे णं कई देवसाहस्सीओ परिवहंति ? ता चत्तारि देवसाहस्सीओ परिवहंति, तं०-पुरस्थिमेणं सीहरूवधारीणं देवाणं एका देवसाहस्सी परिवहइ, एवं जाव उत्तरेणं तुरगरूवंधारणं देवाणं०, ता ताराविमाणे णं कह देवसाहस्सीओ परिवहंति ? ता दो देवसाहस्सीओ परिवहंति, तं०-पुरस्थिमेणं सीहरूवधारीणं देवाणं पंच देवसया परिवएंति, एवं जावुत्तरेणं तुरगस्वधारीणं० ॥९२॥ ता एए सि णं चंदिमसूरियगहगणणक्वत्ततारारूवाणं कयरे २ हिंतो सिग्घगई वा मंदगई वा ? ता चंदेहिंतो सूरा सिन्धगई, सूरेहिंतो गहा सिन्धगई, गहेहिंतो णक्खत्ता सिन्धगई, णवखत्तहितो तारा० सिन्धगई, सव्वप्पगई चंदा, सव्वसिग्धगई तारा० । ता एएसि णं चंदिमसूरियगहगणशंक्वत्ततारांरूवाणं कयरे २ हिंतो अप्पिड्डिया वा महिडिया वा ? ता तारा० हितो णवत्ता महिड्डिया, णक्खत्तहितो गहा महिड्डिया, गहेहिंतो सूरा महिड्डिया, सूरेहिंतो चंदा महिड्डिया, सब्बप्पट्टिया तारा०, सव्वमहिड्डिया चंदा ॥ ९३ ।। ता जंबुद्दीवे में दीवे तारारुवस्स य २ एस णं केवइए अबाहाए अंतरे पण्णत्ते ? ता दुविहे अंतरे प०, तं०-वाघाइमे य णिवाघाइमे य, तत्थ णं जे से वाघाइमे से णं जहण्णेणं दोण्णि बावढे जोयणसए उक्कोसेणं बारस जोयणसहस्साई दोण्णि बायाले जोयणसए तारारुवस्स य २ अबाहाए अंतरे पण्णते, तत्थ णं जे से णिव्वाघाइमे से णं जहण्णेण पंच धणुसयाई उक्कोसेणं अद्धनोयणं तारास्वस्स प २ अबाहाए. अंतरे प० ॥९४॥ ता चंदस्स णं जोइसिंदस्स जोइसरण्णो कह अग्गमहिसीओ पण्णत्ताओ? ता चत्तारि अग्गमहिसीओ पण्णत्ताओ, तं०-चंदप्पभा दोसिणाभा अच्चिमाली पभंकरा, तत्थ णं एगमेगाए देवीए चत्तारि देवीसाहस्सी परिवारो पण्णत्तो, पभू णं ताओ एगमेगा देवी अण्णाई चत्तारि २ देवीसहस्साई परिवार विउवित्तए, एवामेव सुपुव्वावरेणं सोलस देवीसहस्सा, सेत्तं तुडिए, ता पभू णं चंदे जोइसिंदे जोहसराया चंदवडिसए विमाणे सभाए सुहम्माए तुडिएणं सद्धिं दिव्वाइं भोगभोगाई भुंजमाण विहरित्तए ? णो इणढे समढे, पभू णं चंदे जोइसिंदे जोइसराया चंदवाडंमए विमाणे सभाए सुहम्माए चंदंसि सीहासणंसि चउहि सामाणियसाहरसीहिं
चार अग्गमहिसीहिंसपरिवाराहिं तिहिं परिसाहिं सत्तहिं अणिएहिं सत्तहिं अणियाहिवईहिं सोलसहिं आयरक्खदेवसाहस्सीहिं अण्णेहि य बहूहिं जोइसिएहिं देवेहि देवीहि य सद्धिं महया हयणगीयवाइयतीतलतालतुडियषणमुइंगपडुप्पवाइयरवेणं
For Personal & Private Use Only
Jain Education International
www.jainelibrary.org
| SR No. | 004193 |
| Book Title | Chandra Pragnapti Surya Pragnapti Sutra |
| Original Sutra Author | N/A |
| Author | Nemichand Banthiya, Parasmal Chandaliya |
| Publisher | Akhil Bharatiya Sudharm Jain Sanskruti Rakshak Sangh |
| Publication Year | 2007 |
| Total Pages | 98 |
| Language | Hindi, Sanskrit |
| Classification | Book_Devnagari & agam_chandrapragnapti |
| File Size | 15 MB |