________________
चन्द्रप्रज्ञप्ति सूत्र दोसिणापक्खे दोसिणा बहू आहिताति वएजा ? ता अंधयारपक्खाओ णं दोसिणापक्खं अयमाणे चंदे चत्तारि बायाले मुहुत्तसए छत्तालीसं च बावट्ठिभागे मुहुत्तस्स जाई चंदे विरजइ, तं०-पदमाए पढमं भागं बिइयाए बिइयं भागं जाव पण्णरसीए पण्णरसमं भागं, एवं खलु अंधयारपक्खाओ दोसिणापक्खे दोसिणा बहू आहिताति वएजा, ता केवइया णं दोसिणापक्खे दोसिणा बहू आहिताति वएजा ? ता परित्ता असंखेजा भागा। ता कया ते अंधयारे बहू आहिएति वएजा ? ता अंधयारपक्खे णं अंधयारे बहू आहिएति वएजा, ता कहं ते अंधयारपक्खे० बहू आहिए ति वएज्जा ? तां दोसिणापक्खाओ णं अंधयारपक्खे अंधयारे बहू आहिए ति वएजा, ता कहं ते दोसिणापक्खाओ अंधयारपक्खे अंधयारे बहू आहिएति वएजा ? ता दोसिणापक्खाओणं अंधयारपक्खं अयमाणे चंदे चत्तारि बायाले मुहुत्तसए बायालीसं च वावट्ठिभागे मुहत्तस्स जाई चंदे रजइ, तं०-पढमाए पदमं भागं बिइयाए बिइयं भागं जाव पण्णरसीए पण्णरसमं भागं, एवं खलु दोसिणापक्खाओ अंधयारपक्खे अंधयारे बहू आहिएति वएजा,ता केवइए णं अंधयारपक्खे अंधयारे बहू आहिएति वएजा ? ता परित्ता असंखेजा भागा ॥८०॥चोद्दसमं पाहुडं समत्त॥१४॥
पण्णरसमं पाहुडं ता कहं ते सिम्घगई वत्थू आहितेति वएजा ! ता एएसि णं चंदिमसूरियगहगणणखत्ततारारूवाणं चंदहिंतो सूरा सिग्धगई सूरेहिंतो गहा सिग्धगई गहहितो णक्खत्ता सिग्धगई णक्खत्तेहिंतो तारा० सिग्घगई, सव्वप्पगई चंदा सव्वसिन्धगई तारा०, ता एगमेगेणं मुहुत्तेणं चंदे केवइयाई भागसयाइं गच्छइ ? ता जं जं मंडलं उपसंकमित्ता चारं चरइ तस्स २ मंडलपरिक्खेवरस सत्तरस अडसट्टि भागसए . गच्छइ मंडलं सयसहस्सेणं अट्ठाणउईसएहिं छेत्ता, ता एगमेगेणं मुहुत्तेणं सूरिए केवइयाई भागसयाई गच्छइ ? ताजं जं मंडलं उवसंकमित्ता चारं चरइ तस्स २ मंडलपरिक्खेवस्स अट्ठारस तीसे भागसए गच्छइ मंडलं सयसहस्सेणं अट्ठाणउईसएहिं छेत्ता, ता एगमेगेणं मुहुत्तेणं णखत्ते केवइयाई भागसयाई गच्छइ ? ता जं जं मंडलं उवसंकमित्ता चार चरइ तस्स २ मंडलपरिक्खेवस्स अट्ठारस पणतीसे भागसए गच्छइ मंडलं सयसहस्सेणं अट्ठाणउईसएहिं छेत्ता ॥८१॥ ता जया णं चंदं गइसमावणं सूरे गइसमावण्णे भवइ से णं गइमायाए केवइयं विसेसेइ ? ता बावद्विभागे विसेसेइ,ता जया णं चंदं गइसमावणं णक्खत्ते गइसमावण्णे भवइ से गं गइमायाए केवड्यं
Jain Education International
For Personal & Private Use Only
www.jainelibrary.org
