________________
चन्द्रप्रज्ञप्ति सूत्र भतरे चेव मंडले सव्वबाहिरे चेव मंडले, एयाइं खलु ताई दुवे तेरसगाई जाई चंदे केणइ जाव चार चरइ, एतावता दोच्चे चंदायणे समत्ते भवइ, ता णक्खत्ते मासे णो चंदें मासे चंदे मासे णो णक्खत्ते मासे, ता णक्खत्ते मासे चंदेणं मासेणं कि अहियं चरइ ? ता दो अद्धमंडलाई चरइ अट्ठ य सत्तद्विभागाइं अद्धमंडलरस सत्तट्टिभागं च एकतीसहा छेत्ता अट्ठारस भागाई, ता तच्चायणगए चंदे पचत्थिमाए भागाए पविसमाणे बाहिराणंतरस्स पच्चथिम्लिस अद्धमंडलस्स ईयालसं सत्तट्टिभागाइं जाई चंदे अप्पणो परस्स य चिणं पडिचरइ, तेरस सत्तट्ठिभागाइं जाई चंदे परस्स चिण्णं पडिचरइ, तेरस सत्तट्ठिभागाइं चंदे अप्पणो परस्स चिण्णं पाडचरह, एतावता बाहिराणंतरे पञ्चथिमिल्ले अद्धमंडले समत्ते भवइ, ता तच्चायणगए चंदे पुरथिमाए भागाए पविसमाणे बाहिरतच रस पुरथिमिलस्स अद्धमंडलस्स ईयालीसं सत्तट्ठिभागाइं जाई चंदे अप्पणो परस्स य चिण्णं पडिचरह, तेरस सटिभागाइं जाइं चंदे परस्स चिण्णं पडिचरइ, तेरस सत्तट्ठिभागाइं जाई चंदे अपणो परस्स चिण्णं पडिचरइ, एतावताव बाहिरतच्चे पुरथिमिल्ले अद्धमंडले समत्ते भवइ, ता तच्चायणगए चंदे पच्चस्थिमाए भागाए पविसमाणे बाहिरचउत्थस्स पच्चस्थिमिल्लस्स अद्धमंडलस्स अद्धसत्तट्ठिभागाइं च एकतीसहा छेत्ता अट्ठारस भागाई, जाइं चंदे अप्पणो परस्स य चिण्णं पडिचरइ, एतावताव बाहिरच उत्पत्थिरिले अद्धमंडले समत्ते भवइ । एवं खलु चंदेणं मासेणं चंदे तेरस चउप्पण्णगाई दुवे तेरसगाई जाई चंदे परस्स चिण्णं पडिचरइ, तेरस तेरसगाई जाइं चंदे अप्पणो चिणं पडिचरइ, दुवे ईयालीसगाई अट्ठ सत्तट्ठिभागाइं सत्तट्ठिभागं च एकतीसहा छेत्ता अट्ठारसभागाई जाई चंदे अप्पणो परस्स य चिण्णं पडिचरइ, अवराई खल दुवे तेरसगाई जाई चंदे केणइ असामण्णगाई सयमेव पविट्टित्ता २ चारं चरइ, इच्चेसो चंदमासोऽभिगमणणिक्खमणबुट्टिणित्रुट्टिअणवट्टियसंटाणसंठिईविउवणगिहिपत्ते रूवी चंदे देवे २ आहिएति वएजा ।। ७९ ॥ तेरसमं पाहुडं समत्तं ॥१३॥
चोद्दसमं पाहुडं ता कया ते दोसिणा बहू आहितेति वएजा ? ता दोसिणापक्खे णं दोसिणा बहू आहितेति वएजा, ता कहं ते दोसिणापक्खे दोसिणा बहू आहितेति वएजा ? ता अंधयारपक्खाओ णं० दोसिणा बहू आहिताति वएजा, ता कहं ते अंधयारपक्खाओ
Jain Education International
For Personal & Private Use Only
www.jainelibrary.org
