________________
श्री स्थानांग सूत्र
0000000000
पण्णविहितं जहा - मणदंडे वयदंडे कायदंडे । से जहा णामए एएणं अभिलावेणं चत्तारि कसाया पण्णत्ता तंजहा कोहकसाए माणकसाए मायाकसाए लोभकसाए । पंच कामगुणे पण्णत्ते तंजहा - सद्दे रूवे रसे गंधे फासे । छज्जीवणिकाया पण्णत्ता तंजहा - पुढविकाइया जाव तसकाइया, एवामेव जाव तसकाइया । से जहा णामए एएणं अभिलावेणं सत्त भयट्ठाणा पण्णत्ता, एवामेव महापउमे वि अरहा समणाणं णिग्गंथाणं सत्त भयट्ठाणा पण्णविहि । एवं अट्ठ भयट्ठाणे, णव बंभचेरगुत्तीओ दसविहे समणधम्मे एवं जाव तेत्तीसं आसायणा उत्ति ।
से जहा णामए अज्जो ! मए समणाणं णिग्गंथाणं णग्गभावे मुंड़भावे अण्हाणए अदंतवणे अच्छत्तए अणुवाहणए भूमिसेज्जा फलगसेज्जा कट्ठसेज्जा केसलोए बंभचेरवासे परघरपवेसे जाव लद्भावलद्दवित्तीउ पण्णत्ताओ एवामेव महापउमे वि अरहा समणाणं णिग्गंथाणं णग्गभावे जाव लद्भावलद्ध वित्ती पण्णविहिइ । से जहा णामए अज्जो ! मए समणाणं णिग्गंथाणं आहाकम्मिए इ वा, उद्देसिए इ वा, मीसज्जाए इ वा अज्झोयर इवा, पूइए, कीए, पामिच्चे, अच्छिज्जे, अणिसिट्टे, अभिहडे इ वा, कंतारभत्तेइ वा, दुब्भिक्खभत्ते, गिलाणभत्ते, वद्दलियाभत्ते इ वा कंदभोयणे इ वा, फलभोयणे इ वा, बीयभोयणे इ वा, हरियभोयणे इ वा, पडिसिद्धे, एवामेव महापउमे वि अरहा समणाणं णिग्गंथाणं आहाकम्मियं वा जाव हरियभोयणं वा पडिसेहिस्सइ । से जहा णामए अज्जो !
२७८
00000
म समणाणं णिग्गंथाणं पंचमहव्वइए सपडिक्कमणे अचेलए धम्मे पण्णत्ते, एवामेव महापउमे वि अरहा समणाणं णिग्गंथाणं पंच महव्वइयं जाव अचलगं धम्मं पण्णविहिइ । से जहा णामए अज्जो ! मए पंचाणुव्वइए सत्तसिक्खावइए दुवालसविहे सावयधम्मे पण्णत्ते एवामेव महापउमे वि अरहा पंचाणुव्वइयं जाव सावयधम्मं पण्णविस्सइ । से जहा णामए अज्जो !
।
म समणाणं णिग्गंथाणं सेज्जायरपिंडे इ वा, रायपिंडे इ वा, पडिसिद्धे, एवामेव महापउमे वि अरहा समणाणं णिग्गंथाणं सेज्जायरपिंडे इ वा, रायपिंडे इ वा पडिसेहिस्सइ । से जहा णामए अज्जो ! मम णव गणा एगारस गणहरा, एवामेव महापउमस्स वि अरहओ णव गणा एगारस गणहरा भविस्संति । जहाणामए अज्जो !
Jain Education International
For Personal & Private Use Only
www.jalnelibrary.org
