Page Text
________________
२३४
श्री स्थानांग सूत्र 000000000000000000000000000000000000000000000000000 .. विक्खंभेणं साइरेगाइं अट्ठ जोयणाइं सव्वग्गेणं पण्णत्ता । कूडसामली णं अट्ठ जोयणाई एवं चेव ।तिमिस गुहा णं अट्ठ जोयणाइं उड्डे उच्चत्तेणं पण्णत्ता । खंडप्पवायगुहा णं अट्ठ जोयणाई उड्डं उच्चत्तेणं एवं चेव । जंबूमंदरस्स पव्वयस्स पुरच्छिमेणं सीयाए महाणईए उभओ कूले अट्ठ वक्खारपव्वया पण्णत्ता तंजहा - चित्त कूडे, पम्हकूडे, णलिणकूडे, एगसेले, तिकूडे, वेसमणकूडे, अंजणे, मायंजणे ।जंबूमंदरपच्चत्थिमेणं सीओयाए महाणईए उभओ कूले अट्ठ वक्खारपव्वया पण्णत्ता तंजहा - अंकावई, पम्हावई, आसीविसे, सुहावहे, चंदपव्वए, सूरपव्वए, णागपव्वए, देवपव्वए ।जंबूमंदर पुरच्छिमेणं सीयाए महाणईए उत्तरेणं अट्ठ चक्कवट्टि विजया पण्णत्ता तंजहा - कछे, सुकच्छे, महाकच्छे, कच्छगावई, आवत्ते, मंगलावत्ते, पुक्खले, पुक्खलावई । जंबूमंदरपुरच्छिमेणं सीयाए महाणईए दाहिणेणं अट्ठ चक्कवट्टि विजया पण्णत्ता तंजहा - वच्छे, सुवच्छे, महावच्छे, वच्छावई, रम्मे, रम्मए, रमणिजे, मंगलावई । जंबूमंदरपच्चत्थिमेणं सीओयाए महाणईए दाहिजेणं अट्ठ चक्कवट्टि विजया पण्णत्ता तंजहा - पम्हे, सुपम्हे, महापम्हे, पम्हावई, संखे, णलिणे, कुमुए, सलिलावई । जंबूमंदरपच्चत्थिमेणं सीओयाए महाणईए उत्तरेणं अट्ठ चक्कवट्टि विजया पण्णत्ता तंजहा - वप्पे, सुवप्ये, महावप्पे, वय्यावई, वग्गू, सुवग्गू, गंधिला, गंधिलावई । जंबूमंदरपुरच्छिमेणं सीयाए महाणईए उत्तरेणं अट्ठ रायहाणीओ पण्णत्ताओ तंजहा - खेमा, खेमपुरी, अरिठ्ठा, अरिट्ठावई, खग्गी, मंजूसा, उसहपुरी, पुंडरीगिणी । जंबूमंदरपुरच्छिमेणं सीयाए महाणईए दाहिणे णं अट्ठ रायहाणिओ पण्णत्ताओ तंजहा - सुसीमा, कुंडला, अपराजिया, पहंकरा, अंकावई, पम्हावई, सुभा, रयणसंचया। जंबूमंदरपच्चत्थिमेणं सीओयाए महाणईए दाहिणेणं अट्ट रायहाणिओ पण्णत्ताओ तंजहा - आसपुरा, सीहपुरा, महापुरा, विजयपुरा, अपराजिया, अवरा, असोगा, वीयसोगा । जंबूमंदरपच्चत्थिमेणं सीओयाए महाणईए उत्तरेणं अट्ठ रायहाणिओ पण्णत्ताओ तंजहा - विजया, वेजयंती, जयंती, अपराजिया, चक्कपुरा, खग्गपुरा, अवज्झा, अउज्झा॥९४॥ ____ कठिन शब्दार्थ - सुदंसणा - सुदर्शन, सव्वग्गेणं - सर्वाग्र, तिमिसगुहा - तिमिस्र गुफा, खंडप्पवायगुहा - खंडप्रपात गुफा, कूले - कूल-तट पर ।
Jain Education International
For Personal & Private Use Only
www.jainelibrary.org
| SR No. | 004187 |
| Book Title | Sthananga Sutra Part 02 |
| Original Sutra Author | N/A |
| Author | Nemichand Banthiya, Parasmal Chandaliya |
| Publisher | Akhil Bharatiya Sudharm Jain Sanskruti Rakshak Sangh |
| Publication Year | 2008 |
| Total Pages | 386 |
| Language | Hindi, Sanskrit |
| Classification | Book_Devnagari & agam_sthanang |
| File Size | 8 MB |