________________
श्री स्थानांग सूत्र
पण्णत्ता तंजहा - आइण्णे णाममेगे आइण्णयाए विहरइ, आइण्णे णाममेगे खलुंकत्ताए विहरइ, खलुंके णाममेगे आइण्णयाए विहइ, खलुंके णाममेगे खलुंकत्ताए विहरइ । एवामेव चत्तारि पुरिसजाया पण्णत्ता तंजहा - आइण्णे णाममेगे आइण्णयाए विहरइ चउब्भंगो। चत्तारि पकंथगा पण्णत्ता तंजहा - जाइसंपण्णे णाममेगे णो कुलसंपण्णे, कुलसंपण्णे णाममेगे णो जाइसंपण्णे, एगे जाइसंपण्णे वि कुलसंपण्णे वि, एगे णो जाइसंपण्णे णो कुलसंपण्णे । एवामेव चत्तारि पुरिसजाया पण्णत्ता तंजहा- जाइसंपण्णे णाममेगे णो कुलसंपण्णे चउब्भंगो । चत्तारि कंथगा पण्णत्ता तंजहा - जाइसंपण्णे णाममेगे णो बलसंपण्णे, बलसंपण्णे णाममेगे णो जाइसंपण्णे, एगे जाइसंपण्णे वि बलसंपण्णे वि। एगे णो जाइसंपण्णे णो बलसंपण्णे । एवामेव चत्तारि पुरिसजाया पण्णत्ता तंजहा - जाइसंपण्णे णाममेगे णो बलसंपण्णे । चउब्भंगो । चत्तारि कंथगा पण्णत्ता तंजहा- जाइसंपण्णे णाममेगे णो रूवसंपण्णे, रूवसंपण्णे णाममेगे णो जाइसंपण्णे, एगे जाइसंपण्णे विरूवसंपण्णे वि, एगे णो जाइसंपण्णे णो रूवसंपण्णे। एवामेव चत्तारि पुरिसजाया पण्णत्ता तंजहा - जाइसंपण्णे णाममेगे णो रूवसंपण्णे चउब्भंगो। चत्तारि कंथगा पण्णत्ता तंजहा - जाइसंपण्णे णाममेगे णो जयसंपण्णे, जयसंपण्णे णाममेगे णो जाइसंपण्णे, एगे जाइसंपण्णे वि जयसंपण्णे वि, एगे णो जाइसंपण्णे णो जयसंपण्णे । एवामेव चत्तारि पुरिसंजाया पण्णत्ता तंजहा - जाइसंपण्णे णाममेगे णो जयसंपणे, चउब्भंगो एवं कुलसंपण्णेण य, बलसंपण्णेण य, कुलसंपण्णेण य, रूवसंपण्णेण य । कुलसंपण्णेण य, जयसंपण्णेण य । एवं बलसंपण्णेण य, रूवसंपण्णेण य । बल संपण्णेण य, जयसंपण्णेण य । सव्वत्थ पुरिसजाया पडिवक्खो। चत्तारि कंथगा पण्णत्ता तंजहा-रूवसंपण्णे णाममेगे णो जयसंपण्णे, जयसंपण्णे णाममेगे णो रुवसंपण्णे, एगे रूवसंपण्णे वि जयसंपण्णे वि, एगे णो रूवसंपण्णे णो जयसंपण्णे । एवामेव .चत्तारि पुरिसजाया पण्णत्ता तंजहा - रूवसंपण्णे णाममेगे णो जयसंपण्णे चउब्भंगो।
चत्तारि पुरिसजाया पण्णत्ता तंजहा - सीहत्ताए णाममेगे णिक्खंते सीहत्ताए विहरइ, सीहत्ताए णाममेगे णिक्खंते सियालत्ताए विहरइ, सियालत्ताए णाममेगे णिक्खंते सीहत्ताए विहरइ, सियालत्ताए णाममेगे णिक्खंते सियालत्ताए विहरइ॥१७८ ॥
Jain Education International
For Personal & Private Use Only
www.jainelibrary.org
