________________
३६८
श्री स्थानांग सूत्र
णाममेगे णो माणकरे, माणकरे णाममेगे णो गणसोभकरे, एगे गणसोभकरे वि माणकरे वि, एगे णो गणसोभकरे णो माणकरे । चत्तारि पुरिसजाया पण्णत्ता तंजहा - गणसोहिकरे णाममेगे णो माणकरें, माणकरे णाममेगे णो गणसोहिकरे, एगे गणसोहिकरे वि माणकरें वि, एगे णो गणसोहिकरे णो माणकरे । . चत्तारि पुरिसजाया पण्णत्ता तंजहा - रूवं णाममेगे जहइ, णो धम्म, धम्म णाममेगे जहइ णो रूवं, एगे रूवं वि जहइ धम्मं वि जहइ, एगे णो रूवं जहइ णो धम्मं जहइ । चत्तारि पुरिसजाया पण्णत्ता तंजहा - धम्मंणाममगे जहइ णो गणसंठिइं, गणसंठिई णाममेगे जहइ णो धम्मं, एगे धम्मं वि जहइ गणसंठिई वि जहङ्ग, एगे णो धम्मं जहइ णो गणसंठिइं जहइ । चत्तारि पुरिसजाया पण्णत्ता तंजहा - पियधम्मे णाममेगे णो दढधम्मे, दढधम्मे णाममेगे णो पियधम्मे, एगे पियधम्मे वि दढधम्मे वि, एगे णो पियधम्मे णो दढधम्मे । चत्तारि आयरिया पण्णत्ता तंजहा - पव्वायणायरिए णाममेगे णो उवट्ठाणायरिए, उवट्ठाणायरिए णाममेगे णो पव्वायणायरिए, एगे पव्यायणायरिए वि उवट्ठाणायरए वि, एगे णो पव्वायणायरिए णो उवट्ठाणायरिए धम्मायरिए।
चत्तारि आयरिया पण्णत्ता तंजहा - उद्देसणायरिए णाममेगे णो वायणायरिए, वायणायरिए णाममेगे णो उद्देसणायरिए, एगे उद्देसणायरिए वि वायणायरिएं वि, एगे णो उद्देसणायरिए णो वायणायरिए धम्मायरिए । चत्तारि अंतेवासी पण्णत्ता तंजहा - पव्वायणंतेवासी णाममेगे जो उवट्ठावणंतेवासी । उवट्ठावणंतेवासी णाममेगे णो पव्वायणंतेवासी । एगे पव्वायणंतेवासी वि उवट्ठावणंतेवासी वि । एगे णो पव्वायणंतेवासी णो उवट्ठावणंतेवासी । चत्तारि अंतेवासी पण्णत्ता तंजहा - उद्देसणंतेवासी णाममेगे णो वायणंतेवासी, वायणंतेवासी णाममेगे णो उद्देसणंतेवासी, एगे उद्देसणंतेवासी वि वायणंतेवासी वि, एगे णो उद्देसणंतेवासी णो वायणंतेवासी धम्मंतेवासी । चत्तारि णिग्गंथा पण्णत्ता तंजहा - रायणिए समणे णिग्गंथे महाकम्मे महाकिरिए अणायावी असमिए धम्मस्स अणाराहए भवड़, रायणिए समणे णिग्गंथे अप्पकम्मे अप्पकिरिए आयावी समिए धम्मस्स आराहए भवइ, ओमरावणिए समणे
Jain Education International
For Personal & Private Use Only
www.jainelibrary.org
