________________
३६४
श्री स्थानांग सूत्र 000000000000000000000000000000000000000000000000000 एवामेव चत्तारि पुरिसजाया पण्णत्ता तंजहा - पहजाई णाममेगे णो उप्पहजाई, उप्पहजाई णाममेगे णो पहजाई, एगे पहजाई वि उप्पहजाई वि, एगे णो पहजाई णो उप्पहजाई । चत्तारि पुप्फा पण्णत्ता तंजहा - रूवसंपण्णे णाममेगे णो गंधसंपण्णे, गंधसंपण्णे णाममेगे णो रूवसंपण्णे, एगे रूवसंपण्णे वि गंधसंपण्णे वि, एगे णो रूवसंपण्णे णो गंधसंपण्णे । एवामेव चत्तारि पुरिसजाया पण्णत्ता तंजहा - रूवसंपण्णे णाममेगे णो सीलसंपण्णे, सीलसंपण्णे णाममेगे णो रूवसंपण्णे, एगे स्वसंपण्णे वि सीलसंपण्णे वि, एगे णो रूवसंपण्णे णो सीलसंपण्णे । चत्तारि पुरिसजाया पण्णत्ता तंजहा - जाइसंपण्णे णाममेगे णो कुलसंपण्णे, कुलसंपण्णे णाममेगे णो जाइसंपण्णे, एगे कुलसंपण्णे वि जाइसंपण्णे वि, एगे णो कुलसंपण्णे णो जाइसंपण्णे । चत्तारि पुरिसजाया पण्णत्ता तंजहा - जाइसंपण्णे णाममेगे णो बलसंपण्णे, बलसंपण्णे णाममेगे णो जाइसंपण्णे, एगे जाइसंपण्णे वि बलसंपण्णे वि, एगे णो जाइसंपण्णे णो बलसंपण्णे । एवं जाईए रूवेण चत्तारि आलावगा । एवं जाईए सुएण, जाईए सीलेण, जाईए चरित्तेण चत्तारि चत्तारि आलावगा भाणियव्वा । एवं कुलेण रूवेण, कुलेण सुंएण, कुलेण सीलेण, कुलेण चरित्तेण चत्तारि चत्तारि आलावगा भाणियव्या। चत्तारि पुरिसजाया पण्णत्ता तंजहा - बलसंपण्णे णाममेगे णो रूवसंपण्णे, रूवसंपण्णे णाममेगे णो बलसंपण्णे, एगे बलसंपण्णे वि रूवसंपण्णे वि, एगे णो बलसंपण्णे णो सवसंपण्णे । एवं बलेण सुएण, बलेण सीलेण, बलेण चरित्तेण, चत्तारि चत्तारि आलावगा भाणियव्वा । चत्तारि पुरिसजाया पण्णत्ता तंजहा - रूवसंपण्णे णाममेगे णो सुयसंपण्णे, सुयसंपण्णे णाममेगे णो रूवसंपण्णे, एगे रूवसंपण्णे वि सुयसंपण्णे वि, एगे णो रूवसंपण्णे णो सुयसंपण्णे । एवं रूवेण सीलेण, रूवेण चरित्तेण चत्तारि चत्तारि आलावगा भाणियव्वा । चत्तारि पुरिसजाया पण्णत्ता तंजहा - सयसंपण्णे णाममेगे णो सीलसंपण्णे, सीलसंपण्णे णाममेगे णो सयसंपण्णे, एगे सुयसंपण्णे वि सीलसंपण्णे वि, एगे णो सुयसंपण्णे णो सीलसंपण्णे । एवं सुएण चरित्तेण चत्तारि आलावगा भाणियव्वा । चत्तारि पुरिसजाया पण्णत्ता तंजहा - सीलसंपण्णे णाममेगे णो चरित्तसंपण्णे, चरित्तसंपण्णे णाममेगे णो सीलसंपण्णे,
Jain Education International
For Personal & Private Use Only
www.jainelibrary.org
