________________
स्थान ४ उद्देशक २
Jain Education International
आगमिस्साए उस्सप्पिणीए सुसमसुसमाए समाए चत्तारि सागरोवमकोडाकोडीओ कालो भविस्सइ । जंबूद्दीवे दीवे देवकुरु उत्तरकुरु वज्जाओ चत्तारि अकम्मभूमीओ पण्णत्ताओ तंजा - हेमवए, एरण्णवए, हरिवासे, रम्मगवासे । चत्तारि वट्टवेयड्ड पव्वया पण्णत्ता तंजहा - सद्दावई, वियडावई, गंधावई, मालवंतपरियाए । तत्थ णं चत्तारि देवा महिड्डिया जाव पलिओवमट्ठिझ्या परिवसंति तंजहा - साई, पभासे, अरुणे, पउमे । जंबूद्दीवे दीवे महाविदेहे वासे चउव्विहे पण्णत्ते तंजहा - पुव्वविदेहे, अवरविदेहे, देवकुरा, उत्तरकुरा । सव्वे वि णिसढणीलवंत वासहरपव्वया चत्तारि जोयणसयाई उड्डुं उच्चत्तेणं, चत्तारि गाउसयाइं उव्वेहणं पण्णत्ता । जंबूद्दीवे दीवे मंदरस्स पव्वयस्स पुरच्छिमेणं सीयाए महाणईए उत्तरकूले चत्तारि वक्खारपव्वया पण्णत्ता तंजहा चित्तकूडे, पम्हकूडे, णलिणकूडे, एगसेले । जंबूद्दीवे दीवे मंदरस्स पव्वयस्स पुरच्छिमेणं सीयाए महाणईए दाहिण कूले चत्तारि वक्खारपव्वया पण्णत्ता तंजहा - तिकूडे, वेसमणकूडे, अंजणे, मायंजणे । जंबूद्दीवे दीवे मंदरस्स पव्वयस्स पच्चत्थिमेणं सीओयाए महाणईए दाहिणकूले चत्तारि वक्खारपव्वया पण्णत्ता तंजहा अंकावई, पम्हावई, आसीविसे, सुहावहे । जंबूद्दीवे दीवे मंदरस्स पव्वयस्स पच्चत्थिमेणं सीओयाए महाणईए उत्तरकूले चत्तारि वक्खारपव्वया पण्णत्ता तंजहा - चंदपव्वए, सूरपव्वए, देवपव्वए, णागपव्वए । जंबूद्दीवे दीवे मंदरस्स पव्वयस्स चउसु विदिसासु चत्तारि वक्खारपव्वया पण्णत्ता तंजहा- सोमणसे, विज्जुप्पभे, गंधमायणे, मालवंते । जंबूद्दीवे दीवे महाविदेहवासे जहणप्रए चत्तारि अरिहंता, चत्तारि चक्कवट्टी, चत्तारि बलदेवा, चत्तारि वासुदेवा, उप्पज्जिंसु वा उप्पज्जंति वा उप्पज्जिस्संति वा । जंबूद्दीवे दीवे मंदर पव्वए चत्तारि वणा पण्णत्ता तंजहा भद्दसाल वणे, णंदण वणे, सोमणसवणे, पंडगवणे । जंबूद्दीवे दीवे मंदरे पव्वए पंडगवणे चत्तारि अभिसेगसिलाओ पण्णत्ताओ तं जहा - पंडुकंबलसिला, अइपंडुकंबलसिला, रत्तकंबलसिला, अइरत्तकंबलसिला । मंदरचूलिया णं उवरिं चत्तारि जोयणाइं विक्खंभेणं पण्णत्ता । एवं धायइसंडदीवपुरच्छिमद्धे वि कालं आदिं करित्ता जाव मंदरचूलियत्ति । एवं जाव पुक्खरवरदीवपच्चत्थिमद्धे जाव मंदर चूलियत्ति ॥ १५९ ॥
-
३३३
For Personal & Private Use Only
-
www.jainelibrary.org
