________________
७६
समवायांग सूत्र
सोलहवां समवाय सोलस य गाहासोलसगा पण्णत्ता तंजहा - समए, वेयालिए, उवसग्गपरिण्णा, इत्थी - परिण्णा, णिरयविभत्ती, महावीरथुई, कुसीलपरिभासिए, वीरिए, धम्मे, समाही, मग्गे, समोसरणे, आहातहिए, गंथे, जमइए ,गाहासोलसमे सोलसगे। सोलस कसाया पण्णत्ता तंजहा - अणंताणुबंधी कोहे, अणंताणुबंधी माणे, अणंताणुबंधी माया अणंताणुबंधी लोभे, अपच्चक्खाणकसाए कोहे, अपच्चक्खाणकसाए माणे । अपच्चक्खाणकसाए माया, अपच्चक्खाणकसाए लोभे, पच्चक्खाणावरणे कोहे, पच्चक्खाणावरणे माणे, पच्चक्खाणावरणा माया, पच्चक्खाणावरणे लोभे, संजलणे कोहे, संजलणे माणे, संजलणे माया, संजलणे लोभे। मंदरस्स णं पव्वयस्स सोलस णामधेया पण्णत्ता तंजहा - .
मंदर मेरु मणोरम सुदंसण सयंपभे य गिरिराया । रयणुच्चय पियदंसण मज्झेलोगस्स णाभी य ।। अत्थे य सूरियावत्ते सूरियावरणेत्ति य ।
उत्तरे य दिसाई य, वडिंसे इय सोलसमे ॥ पासस्स णं अरहओ पुरिसादाणीयस्स सोलस समणसाहस्सीओ उक्कोसिया समणसंपया होत्था। आयप्पवायस्स णं पुव्वस्स सोलस वत्थू पण्णत्ता। चमरबलीणं उवारियालेणे सोलस जोयणसहस्साइं आयामविक्खंभेणं पण्णत्ते। लवणे णं समुद्दे सोलस जोयणसहस्साई उस्सेह परिवुड्डीए पण्णत्ते। इमीसे णं रयणप्पभाए पुढवीए अत्थेगइयाणं णेरइयाणं सोलस पलिओवमाई ठिई पण्णत्ता। पंचमीए पुढवीए अत्थेगइयाणं णेरइयाणं सोलस सागरोवमाई ठिई पण्णत्ता। असुरकुमाराणं देवाणं अत्थेगइयाणं सोलस पलिओवमाइं ठिई पण्णत्ता। सोहम्मीसाणेसु कप्पेसु अत्थेगइयाणं देवाणं सोलस पलिओवमाइं ठिई पण्णत्ता। महासुक्के कप्पे अत्थेगइयाणं देवाणं सोलस सागरोवमाइं ठिई पण्णत्ता। जे देवा आवत्तं वियावत्तं णंदियावत्तं महाणंदियावत्तं अंकुसं अंकुसपलंबं भदं सुभदं महाभदं सव्वओभई भहुत्तरवडिंसगं विमाणं देवत्ताए उववण्णा, तेसिणं देवाणं उक्कोसेणं सोलस सागरोवमाइं ठिई
Jain Education International
For Personal & Private Use Only
www.jainelibrary.org
