________________
समवाय १२
५५ .
सत्तराईदिया भिक्खुपडिमा, दोच्चा सत्तराइंदिया भिक्खुपडिमा, तच्चा सत्तराइंदिया भिक्खुपडिमा, अहोराइया भिक्खुपडिमा, एगराइया भिक्खुपडिमा। दुवालसविहे संभोगे पण्णत्ते तंजहा -
उवहिसुयभत्तपाणे, अंजलिपग्गहे त्ति य । दायणे य णिकाए य, अब्भुट्ठाणे त्ति आवरे ॥ किइकम्मस्स य करणे, वेयावच्च करणे इय ।
समोसरणं सण्णिसिज्जा य, कहाए य पबंधणे।। दुवालसावत्ते किइकम्मे पण्णत्ते तंजहा -
दुओणयं जहाजायं, किइकम्मं बारसावयं ।
चउसिरं तिगुत्तं च, दुप्पवेसं एगणिक्खमणं ।। विजया णं रायहाणी दुवालस जोयणसयसहस्साइं आयामविक्खंभेणं पण्णत्ता। रामे णं बलदेवे दुवालस वाससयाई सव्वाउयं पालित्ता देवत्तं गए। मंदरस्स णं पव्वयस्स चूलिया मूले दुवालस जोयणाई विक्खंभेणं पण्णत्ता। जंबूहीवस्स णं दीवस्स वेइया मूले दुवालस जोयणाई विक्खंभेणं पण्णत्ता। सव्व जहणिया राई दुवालस मुहुत्तिया पण्णत्ता, एवं दिवसो वि णायव्वो। सव्वट्ठसिद्धस्स णं महाविमाणस्स उवरिल्लाओ थूभियग्गाओ दुवालस जोयणाई उड्ढे उप्पइया ईसिपब्भारा णाम पुढवी पण्णत्ता। ईसिपब्भाराए णं पुढवीए दुवालसणामधेज्जा पण्णत्ता तंजहा - ईसि त्ति वा, ईसिपब्भाराइं वा, तणइ वा, तणुयतरित्ति वा, सिद्धि त्ति वा, सिद्धालए त्ति वा, मुत्ती त्ति वा, मुत्तालए त्ति वा, बंभेत्ति वा, बंभवडिंसए त्ति वा, लोयपडिपूरणे त्ति वा, लोयग्गचूलियाइ वा। इमीसे णं रयणप्पभाए पुढवीए अत्थेगइयाणं णेरइयाणं बारस पलिओवमाइं ठिई पण्णत्ता । पंचमीए पुढवीए अत्थेगइयाणं णेरइयाणं बारस सागरोवमाइं ठिई पण्णत्ता। असुरकुमाराणं देवाणं अत्थेगइयाणं बारस पलिओवमाई ठिई पण्णत्ता। सोहम्मीसाणेसु कप्पेसु अत्थेगइयाणं देवाणं बारस पलिओवमाई ठिई पण्णत्ता। लंतए कप्पे अत्थेगइयाणं देवाणं बारस सागरोवमाइं ठिई पण्णत्ता। जे देवा महिंदं महिंदज्झयं कंबुं कंबुग्गीवं पुंखं सुपुंखं महापुंखं पुंडं सुपुंडं महापुंडं णरिदं परिंदकंतं णरिंदुत्तरवडिंसगं विमाणं देवत्ताए उववण्णा तेसिणं देवाणं उक्कोसेणं
Jain Education International
For Personal & Private Use Only
www.jainelibrary.org
