________________
समवाय ११
Jain Education International
ग्यारहवाँ समवाय
एक्कारस उवासग पडिमाओं पण्णत्ताओं तंजहा - दंसणसावए, कयव्वयकम्मे, सामाइयकडे, पोसहोववास णिरए, दिया बंभंयारी रत्तिं परिमाणकडे, दिआ वि राओ वि बंभयारी, असिणाई वियडभोई मोलिकडे, सचित्त परिण्णाए, आरंभ परिण्णाए, पेस परिण्णाए, उद्दिट्टभत्त परिण्णाए, समणभूए यावि भवइ समणाउसो ! लोगंताओ एक्कारसेहिं एक्कारेहिं जोयणसएहिं अबाहाए जोइसंते पण्णत्ते । जंबुद्दीवे दीवे मंदरस्स पव्वयस्स इक्कारसएहिं इक्कवीसेहिं जोयणसएहिं अबाहाए जोइसे चारं चरई । समणस्स णं भगवओ महावीरस्स एक्कारस गणहरा होत्था तंजहा इंदभूई अग्गिभूई वाउभूई वियत्ते सोहम्मे मंडिए मोरियपुत्ते अकंपिए अयलभाए मेयज्जे पभासे । मूले णक्खत्ते एक्कारस्स तारे पण्णत्ते । हेट्ठिम गेविज्जगाणं देवाणं एक्कारसमुत्तरं गेविज्जविमाणसयं भवइ त्ति मक्खायं । मंदरे णं पव्वए धरणितलाओ सिहरतले एक्कारसभाग परिहीणे उच्चत्तेणं पण्णत्ते । इमीसे णं रयणप्पभाए पुढवीए अत्थेगइयाणं णेरइयाणं एक्कारस पलिओवमाइं ठिई पण्णत्ता । पंचमी पुढवीए अत्थेगइयाणं रइयाणं एक्कारस सागरोवमाइं ठिई पण्णत्ता । असुरकुमाराणं देवाणं अत्थेगइयाणं एक्कारस पलिओवमाझं ठिई पण्णत्ता । सोहम्मीसाणेसु कप्पेसु अत्थेगइयाणं देवाणं एक्कारस पनिओवमाइं ठिई पण्णत्ता । लंतए कप्पे अत्थेगइयाणं देवाणं एक्कारस सागरोवमाई ठिई पण्णत्ता । जे देवा बंभं सुबंभं बंभावत्तं बंभप्पभं बंभकंतं बंभवण्णं बंभलेसं बंभज्झयं बंभसिंगं बंभसिद्धं बंभकूडं बंभुत्तरवडिंसगं विमाणं देवत्ता उववण्णा तेसिणं देवाणं एक्कारस सागरोवमाइं ठिईं पण्णत्ता । ते णं देवा एक्कारसहं अद्धमासाणं (एक्कारसहिं अद्धमासेहिं ) आणमंति वा पाणमंति वा ऊससंति वा णीससंति वा । तेसिणं देवाणं एक्कारसहं वाससहस्साणं ( एक्कारसहिं वाससहस्सेहिं ) आहारट्ठे समुप्पज्जइ । संतेगइया भवसिद्धिया जीवा जे एक्कारसेहिं भवग्गहणेहिं सिज्झिस्संति बुज्झिस्संति जाव सव्वदुक्खाणमंतं करिस्संति ॥ ११ ॥
कठिन शब्दार्थ - एक्कारस ग्यारह, पडिमाओ - पडिमाएं - प्रतिज्ञाएं - अभिग्रह विशेष, कयव्वयंकम्मे - कृतव्रतकर्मा, पोसहोववास णिरए पौषधोपवास निरत, बंभयारी
४९
For Personal & Private Use Only
-
www.jainelibrary.org
