________________
११२
समवायांग सूत्र .
तेईसवां समवाय तेवीसं सुयगडज्झयणा पण्णत्ता तंजहा - समए, वेयालिए, उवसग्ग परिण्णा, थी परिणा, णरयविभत्ती, महावीर थुई, कुसील परिभासिए, वीरिए, धम्मे, समाही, मग्गे, समोसरणे, आहत्तहिए, गंथे, जमईए, गाहा, पुंडरीए, किरियठाणा, आहारपरिण्णा अपच्चक्खाण किरिया, अणगारसुयं, अद्दइज, णालंदइज्जं । जंबूद्दीवे णं दीवे भारहे वासे इमीसे णं ओसप्पिणीए तेवीसाए जिणाणं सूरुग्गमणमुहुत्तंसि केवलवरणाणदंसणे समुप्पण्णे । जंबूद्दीवे णं दीवे भारहे वासे इमीसे णं ओसप्पिणीए तेवीसं तित्थयरा पुव्वभवे एक्कारसंगिणो होत्था तंजहा - अजिय संभव अभिणंदण सुमई जाव पासो वद्धमाणो य। उसभे णं अरहा कोसलिए चोइसपुव्वी होत्था। जंबुद्दीवे णं दीवे भारहे वासे इमीसे णं ओसप्पिणीए तेवीसं तित्थयरा पुव्वभवे मंडलिय रायाणो होत्था तंजहा-अजिय संभव अभिणंदण जाव पासो वद्धमाणो य। उसभे णं अरहा कोसलिए पुव्वभवे चक्कवट्टी होत्था। इमीसे णं रयणप्पभाए पुढवीए अत्थेगइयाणं णेरइयाणं तेवीसं पलिओवमाई ठिई पण्णत्ता। अहेसत्तमाए पुढवीए अत्थेगइयाणं णेरइयाणं तेवीसं सागरोवमाइं ठिई पण्णत्ता। असुरकुमाराणं देवाणं अंत्थेगइयाणं तेवीसं पलिओवमाइं ठिई पण्णत्ता। सोहम्मीसाणेसु कप्पेसु अत्थेगइयाणं देवाणं तेवीसं पलिओवमाइं ठिई पण्णत्ता। हेट्टिम मज्झिम गेविनगाणं देवाणं जहण्णेणं तेवीसं सागरोवमाइं ठिई पण्णत्ता। जे देवा हेट्टिम हेट्ठिम गेविजय विमाणेसु देवत्ताए उववण्णा तेसिणं देवाणं उक्कोसेणं तेवीसं सागरोवमाइं ठिई पण्णत्ता। ते णं देवा तेवीसाए अद्धमासाणं (अद्धमासेहिं) आणमंति वा पाणमंति वा ऊससंति वा णीससंति वा। तेसिणं देवाणं तेवीसाए वाससहस्सेहिं आहारट्टे समुप्पजइ। संतेगइया भवसिद्धिया जीवा जे तेवीसाए भवग्गहणेहिं सिज्झिस्संति बुज्झिस्संति जाव सव्वदुक्खाणमंतं करिस्संति ॥२३॥
कठिन शब्दार्थ - तेवीसं - तेईस, सुयगडझयणा - सूयगडांग (सूत्रकृताङ्ग) सूत्र के अध्ययन, वेयालिए - वैतालीय, उवसग्गपरिण्णा - उपसर्ग परिज्ञा, थी परिण्णा - स्त्री परिज्ञा, णरयविभत्ती - नरक विभक्ति, महावीर थुई - महावीर स्तुति, कुसीलपरिभासिए - कुशील परिभाषा, आहत्तहिए - याथातथ्य, जमईए - यमक, किरियठाणा - क्रिया स्थान,
Jain Education International
For Personal & Private Use Only
www.jainelibrary.org
