________________
समवाय २१
१०१
इक्कीसवां समवाय एक्कवीसं सबला पण्णत्ता तंजहा-हत्थकम्मं करेमाणे सबले, मेहणं पडिसेवेमाणे सबले, राइभोयणं भुंजमाणे सबले, आहाकम्मं भुंजमाणे सबले, सागारियं पिंडं भुंजमाणे सबले, उद्देसियं की आहट्ट दिजमाणं भुंजमाणे सबले, अभिक्खणं अभिक्खणं पडियाइक्खित्ता णं भुंजमाणे सबले, अंतो छण्हं मासाणं गणाओ गणं संकममाणे सबले, अंतो मासस्स तओ दगलेवे करेमाणे सबले, अंतो मासस्स तओ माईठाणे सेवमाणे सबले, रायपिंडं भुंजमाणे सबले, आउट्टियाए पाणाइवार्य करेमाणे सबले, आउट्टियाए मुसावायं वयमाणे सबले, आउट्टियाए अदिण्णादाणं गिण्हमाणे सबले, आउट्टियाए अणंतरहियाए पुढवीए ठाणं वा णिसीहियं वा चेएमाणे सबले, एवं आउट्टिए चित्तमंताए पुढवीए, एवं आउट्टिए चित्तमंताए सिलाए कोलावासंसि वा दारुए ठाणं वा सिज्जं वा णिसीहियं वा चेएमाणे सबले, जीवपइदिए सपाणे .सबीए सहरिए सउतिंगे पणगदगमट्टी मक्कडा संताणए तहप्पगारे ठाणं वा सिजं वा णिसीहियं वा चेएमाणे सबले, आउट्टियाए मूलभोयणं वा कंदभोयणं वा खंधभोयणं वा तयाभोयणं वा पवालभोयणं वा पत्तभोयणं वा पुण्फभोयणं वा फलभोयणं वा बीयभोयणं वा हरियभोयणं वा भुंजमाणे सबले, अंतो संवच्छरस्स दस दगलेवे करेमाणे सबले, अंतो संवच्छरस्स दस माइठाणाई सेवमाणे सबले, अभिक्खणं अभिक्खणं सीओदग वियडवग्धारियपाणिणा असणं वा पाणं वा खाइमं वा साइमं वा पडिगाहित्ता भुंजमाणे सबले। णियट्टिबायरस्स णं खवियसत्तयस्स मोहणिजस्स कम्मस्स एक्कवीसं कम्मंसा संतकम्मा पण्णत्ता तंजहा - अपच्चक्खाणकसाए कोहे, अपच्चक्खाण कसाए माणे, अपच्चक्खाण कसाए माया, अपच्चक्खाणकसाए लोभे। पच्चक्खाणावरण कसाए कोहे, पच्चक्खाणावरणकसाए माणे, पच्चक्खाणावरण कसाए माया, पच्चक्खाणावरण कसाए लोभे। संजलणकसाए कोहे, संजलण कसाए माणे, संजलण कसाए माया, संजलण कसाए लोभे। इत्थीवेए पुंसवेए णपुंसयवेए हासे अरई रई भय सोग दुगुंछा। एक्कमेक्काए णं ओसप्पिणीए पंचम छट्ठाओ समाओ एक्कवीसं एक्कवीसं वाससहस्साई कालेणं पण्णत्ता तंजहा - दूसमा
Jain Education International
For Personal & Private Use Only
www.jainelibrary.org
