________________
समवाय १८
८९
णो वि अण्णं काएणं सेवावेइ, कारणं सेवंतं वि अण्णं ण समणुजाणाइ । अरहओ णं अरिढणेमिस्स अट्ठारस समणसाहस्सीओ उक्कोसिया समणसंपया होत्था । समणेणं भगवया महावीरेणं समणाणं णिग्गंथाणं सखड्डय वियत्ताणं अट्ठारस ठाणा पण्णत्ता तंजहा -
वयछक्कं कायछक्कं, अकप्पो गिहिभायणं ।
पलियंक णिसिजा य, सिणाणं सोहवजणं ॥ आयारस्स णं भगवओ सचूलियागस्स अट्ठारस पयसहस्साइं पयग्गेणं पण्णत्ता। बंभीए णं लिवीए अट्ठारसविहे लेखविहाणे पण्णत्ते तंजहा-बंभी जवणी लियादोसा ऊरिया खरोट्टिया खरसाविया पहाराइया उच्चत्तरिया अक्खरपुट्ठिया भोगवयया वेणइया णिण्हइया अंक लिवी गणिय लिवी गंधव्व लिवी भूय लिवी आदंस लिवी माहेसरी लिवी दामि लिवी बोलिंदि लिवी। अत्थिणत्थिप्पवायस्स णं पुव्वस्स अट्ठारस वत्थू. पण्णत्ता। धूमप्पभाए णं पुढवीए अट्ठारसुत्तरं जोयणसयसहस्सं बाहल्लेणं पण्णत्ता। पोसासाढेसु णं मासेसु सइ उक्कोसेणं अट्ठारसमुहुत्ते दिवसे भवइ, सइ उक्कोसेणं अट्ठारस मुहुत्ता राई भवइ । इमीसे णं रयणप्पभाए पुढवीए अत्थेगइयाणं णेरइयाणं अट्ठारस पलिओवमाइं ठिई पण्णत्ता। छट्ठीए पुढवीए अत्थेगइयाणं णेरइयाणं अट्ठारस सागरोवमाइं ठिई पण्णत्ता। असुरकुमाराणं देवाणं अत्थेगइयाणं अट्ठारस पलिओवमाई ठिई पण्णत्ता। सोहम्मीसाणेसु कप्पेसु अत्थेगइयाणं देवाणं अट्ठारस पलिओवमाइं ठिई पण्णत्ता। सहस्सारे कप्पे देवाणं उक्कोसेणं अट्ठारस सागरोवमाई ठिई पण्णत्ता। आणए कप्पे देवाणं अत्थेगइयाणं जहण्णेणं अट्ठारस सागरोवमाई ठिई पण्णत्ता। जे देवा कालं सुकालं महाकालं अंजणं रिटुं सालं समाणं दुमं महादुमं विसालं सुसालं पउमं पउमगुम्मं कुमुयं कुमुयगुम्मं णलिणं णलिणगुम्मं पुंडरीयं पुंडरीयगुम्म सहस्सारवडिंसगं विमाणं देवत्ताए उववण्णा तेसिणं देवाणं उक्कोसेणं अट्ठारस सागरोवमाइं ठिई पण्णत्ता। ते णं देवा अट्ठारसेहिं अद्धमासेहिं आणमंति वा पाणमंति वा ऊससंति वा णीससंति वा । तेसिणं देवाणं अट्ठारस वाससहस्सेहिं आहारट्ठे समुप्पजइ। संतेगइया भवसिद्धिया जीवा जे अट्ठारसेहिं भवग्गहणेहिं सिज्झिस्संति बुज्झिस्संति जाव सव्वदुक्खाणमंतं करिस्संति ॥ १८ ॥
Jain Education International
For Personal & Private Use Only
www.jainelibrary.org
