________________
८०
जम्बूद्वीप प्रज्ञप्ति सूत्र
आवीकम्मं, रहोकम्म, तं तं कालं मणवयकाए जोगे एवमाई जीवाण वि सव्वभावे, अजीवाण वि सव्वभावे, मोक्खमग्गस्स विसुद्धतराए भावे जाणमाणे पासमाणे, एस खलु मोक्खमग्गे मम अण्णेसिं च जीवाणं हियसुहणिस्सेयसकरे, सव्वदुक्खविमोक्खणे, परमसुहसमाणणे भविस्सइ।
तए णं से भगवं समणाणं णिग्गंथाण य, णिग्गंथीण य पंच महव्वयाई सभावणगाई, छच्च जीवणिकाए धम्मं देसमाणे विहरइ, तंजहा - पुढविकाइए भावणागमेणं पंच महव्वयाई सभावणगाई भाणियव्वाइं इति। ... ___ उसभस्स णं अरहओ कोसलियस्स चउरासी गणा गणहरा होत्था, उसंभस्स णं अरहओ कोसलियस्स उसभसेणपामोक्खाओ चुलसीइं समणसाहस्सीओ उक्कोसिया समणसंपया होत्था, उसभस्स णं अरहओ कोसलियस्स बंभीसुंदरीपामोक्खाओ तिण्णि अज्जियासयसाहस्सीओ उक्कोसिया अज्जियासंपया होत्था, उसभस्स णं अरहओ कोसलिअस्स सेज्जंसपामोक्खाओ तिण्णि समणोवासगसयसाहस्सीओ पंच य साहस्सीओ उक्कोसिया समणोवासग-संपया होत्था, उसभस्स णं अरहओ कोसलियस्स सुभद्दापामोक्खाओ पंच समणोवासियासयसाहस्सीओ चउपण्णं च सहस्सा उक्कोसिया समणोवासिया-संपया होत्था, उसभस्स णं अरहओ कोसलियस्स अजिणाणं जिणसंकासाणं, सव्वक्खरसण्णिवाईणं, जिणो विव अवितहं वागरमाणाणं चत्तारि चउद्दसपुव्वी-सहस्सा अद्धट्ठमा य सया उक्कोसिया चउदसपुव्वी-संपया होत्था, उसभस्स णं अरहओ कोसलियस्स णव
ओहिणाणिसहस्सा उक्कोसिया ओहिणाणि-संपया होत्था, उसभस्स णं अरहओ कोसलियस्स वीसं जिणसहस्सा, वीसं वेउव्विय-सहस्सा छच्च सया उक्कोसिया जिण-संपया वेउन्विय-संपया य होत्था, अरहओ कोसलियस्स बारस विउलमइसहस्सा छच्च सया पण्णासा, बारस वाईसहस्सा छच्च सया पण्णासा, उसभस्स णं अरहओ कोसलियस्स गइकल्लाणाणं, ठिइकल्लाणाणं, आगमेसिभदाणं, बावीसं अणुत्तरोववाइयाणं सहस्सा णव य सया० उक्कोसिया अणुत्तरोववाइय-संपया होत्था।
Jain Education International
For Personal & Private Use Only
www.jainelibrary.org
