________________
बीओ वक्रवारी - द्वितीय वक्षस्कार
भरतक्षेत्र में कालानुवर्तन
(२४) जंबुद्दीवे णं भंते! दीवे भारहे वासे कइविहे काले पण्णत्ते?
गोयमा! दुविहे काले पण्णत्ते, तं जहा - ओसप्पिणिकाले य उस्सप्पिणिकाले य।
ओसप्पिणिकाले णं भंते! कइविहे पण्णत्ते?
गोयमा! छविहे पण्णत्ते, तं जहा - सुसमसुसमाकाले १, सुसमाकाले २, सुसमदुस्समाकाले ३, दुस्समसुसमाकाले ४, दुस्समाकाले ५, दुस्समदुस्समाकाले ६१ - उस्सप्पिणिकाले णं भंते! कइविहे पण्णत्ते?
गोयमा! छव्विहे पण्णत्ते, तंजहा - दुस्समदुस्समाकाले १ जाव सुसमसुसमाकाले ६।
एगमेगस्स णं भंते! मुहुत्तस्स केवइया उस्सासद्धा वियाहिया?
गोयमा! असंखिजाणं समयाणं समुदयसमिइसमागमेणं सा एगा आवलियत्ति वुच्चइ, संखिजाओ आवलियाओ ऊसासो, संखिजाओ आवलियाओ णीसासो,
हट्ठस्स अणवगल्लस्स, णिरुवकिट्ठस्स जंतुणो। ‘एगे ऊसासणीसासे, एस पाणुत्ति वुच्चई॥१॥ सत्त पाणूई से थोवे, सत्त थोवाइं से लवे।
लवाणं सत्तहत्तरीए, एस मुत्तेत्ति आहिए॥ २॥ , तिण्णि सहस्सा सत्त य, सयाई तेवत्तरिं च ऊसासा। एस मुहुत्तो भणिओ, सव्वेहिं अणंतणाणीहिं॥ ३॥
Jain Education International
For Personal & Private Use Only
www.jainelibrary.org
