________________
४३०
जम्बूद्वीप प्रज्ञप्ति सूत्र
गोयमा! पण्णरस दिवसा पण्णत्ता, तंजहा-पडिवादिवसे बिइयादिवसे जाव पण्णरसीदिवसे। .
एएसि णं भंते! पण्णरसण्हं दिवसाणं कइ णामधेजा पण्णत्ता? गोयमा! पण्णरस णामधेजा पण्णत्ता, तंजहापुव्वंगे सिद्धमणोरमे य तत्तो मणोहरे चेव।। जसभद्दे य जसधरे छटे सव्वकामसमिद्धे य॥१॥ इंदमुद्धाभिसित्ते य सोमणस धणंजए य बोद्धव्वे। अत्थसिद्धे अभिजाए अच्चसणे सयंजए चेव॥२॥ अग्गिवेसे उवसमे दिवसाणं होंति णामधिजाई। एएसि णं भंते! पण्णरसण्हं दिवसाणं कइ तिही पण्णत्ता?
गोयमा! पण्णरस तिही पण्णत्ता, तंजहा-णंदे भद्दे जए तुच्छे पुण्णे पक्खस्स पंचमी, पुणरवि णंदे भद्दे जए तुच्छे पुण्ण पक्खस्स दसमी, पुणरवि णंदे भद्दे जए तुच्छे पुण्णे पक्खस्स पण्णरंसी, एवं ते तिगुणा तिहीओ सव्वेसि दिवसाणंति।
एगमेस्स णं भंते! पक्खस्स कइ राईओ पण्णत्ताओ? गोयमा! पण्णरस राईओ पण्णत्ताओ, तंजहा-पडिवा राई जाव पण्णरसी
राई।
एयासि णं भंते! पण्णरसण्हं राईणं कइ णामधेजा पण्णत्ता? गोयमा! पण्णरस णामधेजा पण्णत्ता, तंजहाउत्तमा य सुणक्खत्ता, एलावच्चा जसोहरा। सोमणसा चेव तहा, सिरिसंभूया य बोद्धव्वा॥१॥ विजया य वेजयंति जयंति अपराजिया य इच्छा य। समाहारा चेव तहा तेया य तहा अईतेया॥२॥ देवाणंदा णिरई रयणीणं णामधिजाइं।
Jain Education International
For Personal & Private Use Only
www.jainelibrary.org
