________________
३६०
जम्बूद्वीप प्रज्ञप्ति सूत्र
अब्भंतरतच्चे णं भंते! सूरमंडले केवइयं आयामविक्खम्भेणं केवइयं परिक्खेवेणं पण्णत्ते?
गोयमा! णवणउइं जोयणसहस्साई छच्च एक्कावण्णे जोयणसए णव य एगसट्ठिभाए जोयणस्स आयामविक्खम्भेणं तिण्णि य जोयणसयसहस्साइं पण्णरस जोयणसहस्साई एगं च पणवीसं जोयणसयं परिक्खेवेणं०।
एवं खलु एएणं उवाएणं णिक्खममाणे सूरिए तयाणंतराओ मंडलाओ तयाणंतरं मंडलं उवसंकममाणे २ पंच २ जोयणाई पणतीसं च एगसट्ठिभाए जोयणस्स एगमेगे मंडले विक्खंभवुद्धिं अभिवड्डेमाणे २ अट्ठारस २ जोयंणाई परिरयवुद्धिं अभिवड्डेमाणे २ सव्वबाहिरं मंडलं उवसंकमित्ता चारं चरइ। ___सव्वबाहिरए णं भंते! सूरमंडले केवइयं आयामविक्खम्भेणं केवइयं परिक्खेवेणं पण्णत्ते?
गोयमा! एगं जोयणसयसहस्सं छच्च सटे जोयणसए आयामविक्खम्भेणं तिण्णि य जोयणसयसहस्साइं अट्ठारस य सहस्साई तिण्णि य पण्णरसुत्तरे जोयणसए परिक्खेवेणं। __ बाहिराणंतरे णं भंते! सूरमंडले केवइयं आयामविक्खम्भेणं केवइयं परिक्खेवेणं पण्णत्ते? __ गोयमा! एगं जोयणसयसहस्सं छच्च चउप्पण्णे जोयणसए छव्वीसं च एगसट्ठिभागे जोयणस्स आयामविक्खम्भेणं तिण्णि य जोयणसयसहस्साइं अट्ठारस २ सहस्साई दोण्णि य सत्ताणउए जोयणसए परिक्खेवेणंति।
बाहिरतच्चे णं भंते! सूरमंडले केवइयं आयामविक्खम्भेणं केवइयं परिक्खेवेणं पण्णत्ते?
गोयमा! एगं जोयणसयसहस्सं छच्च अडयाले जोयणसए बावण्णं च एगसट्ठिभाए जोयणस्स आयामविक्खम्भेणं तिण्णि जोयणसयसहस्साइं अट्ठारस य सहस्साई दोण्णि य अउणासीए जोयणसए परिक्खेवेणं०।
Jain Education International
For Personal & Private Use Only
www.jainelibrary.org
