________________
३७६ *-*-12-00-00-00-00-0-0-10-100-100-00-00-00-00-10-0-0-0- 0-00-00-00-00-00-0-19-19-19-0-00-00-00-00-00-00-00-00-08-
जम्बूद्वीप प्रज्ञप्ति सूत्र
जंबुद्दीवे णं भंते! दीवे भरहप्पमाणमेत्तेहिं खंडेहिं केवइयं खंडगणिएणं प०? गोयमा! णउयं खंडसयं खंडगणिएणं पण्णत्ते। जंबुद्दीवे णं भंते! दीवे केवइयं जोयणगणिएणं पण्णत्ते?
गोयमा! गाहा - सत्तेव य कोडिसया णउया छप्पण्ण सयसहस्साई।
चउणवइं च सहस्सा सयं दिवटुं च गणियपयं॥१॥ जंबुद्दीवे णं भंते! दीवे कइ वासा पण्णत्ता?
गोयमा! सत्त वासा पव्वया, तंजहा-भरहे एरवए हेमवए हेरण्णवए हरिवासे रम्मगवासे महाविदेहे।
जंबुद्दीवे णं भंते! दीवे केवइया वासहरा पव्वया केवइया मंदरा पव्वया पण्णत्ता केवइया चित्तकूडा केवइया विचित्तकूडा केवइया जमगपव्वया केवइया कंचणगपव्वया केवइया वक्खारपव्वया केवइया दीहवेयड्डा केवइया वट्टवेयड्डा पण्णत्ता? ___ गोयमा! जंबुद्दीवे २ छ वासहरपव्वया एगे मंदरे पव्वए एगे चित्तकूडे एगे विचित्तकूडे दो जमगपव्वया दो कंचणगपव्वयसया वीसं वक्खारपव्वया चोत्तीसं दीहवेयड्डा०, एवामेव सपुव्वावरेणं जंबुद्दीवे दीवे दुण्णि अउणत्तरा पव्वयसया भवंतीतिमक्खायं। .' जंबुद्दीवे णं भंते! दीवे केवइया वासहरकूडा केवइया वक्खारकूडा केवइया वेयड्डकूडा केवइया मंदरकूडा पण्णत्ता ?
गोयमा!.....छप्पण्णं वासहरकूडा छण्णउई वक्खारकूडा तिण्णि छलुत्तरा वेयडकूडसया णव मंदरकूडा पण्णत्ता, एवामेव सपुव्वावरेणं जंबुद्दीवे २ चत्तारि सत्तट्ठा कूडसया भवंतीतिमक्खायं।
जंबुद्दीवे णं भंते! दीवे भरहे वासे कइ तित्था पण्णता?
Jain Education International
For Personal & Private Use Only
www.jainelibrary.org
