________________
३६८
जम्बूद्वीप प्रज्ञप्ति सूत्र **-08-12--10--19-19-19-19-08-28-08-08-00-00-00-10-19-19-10-14-04-12-10-0-0-0-08-12-08-04--12-12-08-00-00-00-00-08- ... अभिषेक-समायोजन
(१५५) तए णं से अच्चुइंदे सपरिवारे सामि तेणं महया महया अभिसेएणं अभिसिंचइ २ त्ता करयलपरिग्गहियं जाव मत्थए अंजलिं कटु जएणं विजएणं वद्धावेइ २ त्ता ताहिं इट्ठाहिं जाव जयजयसदं पउंजइ पउंजित्ता जाव पम्हलसुकुमालाए सुरभीए गंधकासाईए गायाई लूहेइ २ त्ता एवं जाव कप्परुक्खगंपिव अलंकियविभूसियं करेइ २ ता जाव णट्टविहिं उवदंसेइ २ ता अच्छे हि सण्हेहिं रययामएहिं अच्छरसातंदुलेहिं भगवओ सामिस्स पुरओ अट्ठ मंगलगे आलिहइ, तंजहा
दप्पण भद्दासण वद्धमाण वरकलस मच्छ सिरिवच्छा, सोत्थिय णंदावत्ता लिहिया अट्ट मंगलगा॥१॥
लिहिऊण करेइ उवयारं किं ते? पाडल-मल्लिय-चंपगसोगपुण्णागचूयमंजरि-णवमालिय-बउल-तिलय-कणवीर-कुंद-कुजग-कोरंटपत्तदमणगवरसुरभिगंधगंधियस्स कयग्गहगहिय करयलपब्भट्टविप्पमुक्कस्स दसद्धवण्णस्स कुसुमणियरस्स तत्थचित्तं जाणुस्सेहपमाणमित्तं ओहिणिकरं करेइ २ ता चंदप्पभरयणवइरवेरुलियविमलदंडं कंचणमणिरयणभत्तिचित्तं कालागुरुपवरकुंदरुक्क-तुरुक्कधूवगंधूत्तमाणुविद्धं च धूमवहि विणिम्मुयंतं वेरुलियमयं कडुच्छुयं पग्गहित्तु पयएणं धूवं दाऊण जिणवरिंदस्स सत्तट्ठपयाई ओसरित्ता दसंगुलियं अंजलिं करिय मत्थयंसि पयओ अट्ठसयविसुद्धगंथजुत्तेहिं महावित्तेहिं अपुणरुत्तेहिं अत्थजुत्तेहिं संथुणइ २ त्ता वामं जाणुं अंचेइ २ ता जाव करयलपरिग्गहियं० मत्थए अंजलिं कट्ट एवं वयासी-णमोऽत्थु ते सिद्ध-बुद्ध-णीरयसमण-समाहिय-समत्त-समजोगि-सल्लगत्तण-णिब्भय-णीराग-दोसणिम्ममणिस्संग-णीसल्ल-माणमूरण-गुणरयण-सीलसागर-मणंत-मप्पमेयभवियधम्मवरचाउरंतचक्कवट्टी णमोऽत्थु ते अरहओत्तिकट्ठ एवं वंदइ णमंसइ वं० २ त्ता
Jain Education International
For Personal & Private Use Only
www.jainelibrary.org
