________________
३५४
जम्बूद्वीप प्रज्ञप्ति सूत्र
णट्ठाणीएणं गंधव्वाणीएण य सद्धिं तं विमाणं अणुप्पयाहिणी करेमाणे २ पुव्विल्लेणं तिसोवाणेणं दुरूहइ २ ता जाव सीहासणंसि पुरत्थाभिमुहे सण्णिसण्णेत्ति, एवं चेव सामाणियावि उत्तरेणं तिसोवाणेणं दुरूहित्ता पत्तेयं २ पुव्वण्णत्थेसु भद्दासणेसु णिसीयंति, अवसेसा देवा य देवीओ य दाहिणिल्लेणं तिसोवाणेणं दुरूहित्ता तहेव जाव णिसीयंति, तए णं तस्स सक्कस्स तंसि० दुरूढस्स० इमे अट्ठमंगलगा पुरओ अहाणुपुव्वीए संपट्टिया०, तयणंतरं च णं पुण्णकलसभिंगारं दिव्वा य छत्तपडागा सचामरा य दंसणरइयआलोयदरिसणिज्जा वाउछुयविजयवेजयंती य समूसिया गगणतलमणुलिहंती पुरओ अहाणुपुव्वीए संपट्ठिया, तयणंतरं...छत्तभिंगारं०, तयणंतरं च ण वइरामयवट्टलट्ठसंठियसुसिलिट्ठपरिघट्टमट्टसुपइट्ठिए विसिट्टे अणेगवरपंचवण्णकुडभीसहस्स परिमण्डियाभिरामे वाउछुय-विजयवेजयंती-पडागा-छत्ताइच्छत्तकलिए तुंगे गयणतलमणुलिहंत-सिहरे जोयणसहस्सासिए महइमहालए महिंदज्झए पुरओ अहाणुपुव्वीए संपट्टिए तयणंतरं च णं सरूवणेवत्थपरियच्छिसुसज्जा सव्वालंकारविभूसिया पंच अणिया पंच अणियाहिवइणो जाव संपट्ठिया, तयणंतरं च णं बहवे आभिओगिया देवा य देवीओ य सएहिं सएहिं रूवेहिं जाव णिओगेहिं सक्कं देविंदं देवरायं पुरओ य मग्गओ य पासओ य अहाणुपुव्वीए संपट्ठिया, तयणंतरं च णं बहवे सोहम्मकप्पवासी देवा य देवीओ य सव्विड्डीए जाव दुरूढा समाणा० मग्गओ य जाव संपट्ठिया।
तए णं से सक्के तेणं पंचाणियपरिक्खित्तेणं जाव महिंदज्झएणं पुरओ पकडि जमाणेणं चउरासीए सामाणियसाहस्सीहिं जाव परिवुडे सव्विड्डीए जाव रवेणं सोहम्मस्स कप्पस्स मज्झंमज्झेणं तं दिव्वं देविहिं जाव उवदंसेमाणे २ जेणेव सोहम्मस्स कप्पस्स उत्तरिल्ले णिजाणमग्गे तेणेव उवागच्छइ, उवागच्छित्ता जोयणसयसाहस्सिएहिं विग्गहेहिं ओवयमाणे २ ताए उक्किट्ठाए जाव देवगईए वीईवयणाणे २ तिरियमसंखिजाणं दीवसमुद्दाणं मझंमज्झेणं जेणेव णंदीसरवरे
Jain Education International
For Personal & Private Use Only
www.jainelibrary.org
