________________
३४६
जम्बूद्वीप प्रज्ञप्ति सूत्र
जोयणपरिमण्डलं सुघोसं सूसरं घंटं तिक्खुत्तो उल्लालेमाणे २ महया महया सद्देणं उग्रोसेमाणे २ एवं वयाहि-आणवेइ णं भो! सक्के देविंदे देवराया. गच्छइ णं भो! सक्के देविंदे देवराया जम्बुद्दीवे २ भगवओ तित्थयरस्स जम्मणमहिम करित्तए, तं तुन्भेवि णं देवाणुप्पिया! सव्विड्डीए सव्वजुईए सव्वबलेणं सव्वसमुदएणं सव्वायरेणं सव्वविभूईए सव्वविभूसाए सव्वसंभमेणं सव्वणाडएहिं सव्वोवरोहेहिं सव्वपुप्फगंधमल्लालंकारविभूसाए सव्वदिव्वतुडियसहसण्णिणाएणं महया इडीए जाव रवेणं णिययपरियालसंपरिवुडा सयाई २ जाणविमाणवाहणाई दुरूढा समाणा अकालपरिहीणं चेव सक्कस्स जाव अंतियं पाउब्भवह। ___ तए णं से हरिणेगमेसी देवे पायत्ताणीयाहिवई सक्केणं ३ जाव एवं वुत्ते समाणे हट्टतुट्ठ जाव एवं देवोत्ति आणाए विणएणं वयणं पडिसुणेइ २ त्ता सक्कस्स ३ अंतियाओ पडिणिक्खमइ २ त्ता जेणेव सभाए सुहम्माए मेघोघरसियगम्भीरमहुरयरसद्दा जोयणपरिमण्डला सुघोसा घण्टा तेणेव उवागच्छइ २ ता तं मेघोघरसियगम्भीरमहुयरयरसई जोयणपरिमण्डलं सुघोसं घण्टं तिक्खुत्तो उल्लालेइ, तए णं तीसे मेघोघरसिय गम्भीरमहुरयरसद्दाए जोयण-परिमण्डलाए सुघोसाए घण्टाए तिक्खुत्तो उल्लालियाए समाणीए सोहम्मे कप्पे अण्णेहिं एगूणेहिं बत्तीसविमाणा-वाससय सहस्सेहिं अण्णाई एगूणाई बत्तीसं घण्टासयसहस्साई जमगसमगं कणक-णारावं काउं पयत्ताइं चावि हुत्था, तए णं सोहम्मे कप्पे पासायविमाणणिक्खुडा-वडियसद्दसमुट्ठियघण्टापडिसुया-सयसहस्ससंकुले जाए यावि होत्था।
तए णं तेसिं सोहम्मकप्पवासीणं बहूर्ण वेमाणियाणं देवाण य देवीण य एगंतरइपसत्त-णिच्चप्पमत्तविसयसुहमुच्छियाणं सूसरघंटारसियविउल-बोलपूरियचवलपडिबोहणे कए समाणे घोसणकोऊहल-दिण्ण-कण्णएग्गचित्तउवउत्तमाणसाणं से पायत्ताणीयाहिवई देवे तंसि घंटारवंसि णिसंतपडिसंतंसि समाणंसि तत्थ २ देसे २ तहिं २ महया २ सद्देणं उग्घोसेमाणे २ एवं वयासी-हंत!
Jain Education International
For Personal & Private Use Only
www.jainelibrary.org
