________________
चतुर्थ वक्षस्कार - निषध वर्षधर पर्वत
२४७
जोयणसए परिक्खेवेणं दो कोसे ऊसिए जलंताओ सव्ववइरामए अच्छे सेसं तहेव वेइयावणसंडभूमिभागभवणसय-णिजअट्ठो भाणियव्वो।
तस्स णं सीओयप्पवायकुंडस्स उत्तरिल्लेणं तोरणेणं सीओया महाणई पढा समाणी देवकुरुं एजेमाणी २ चित्तविचित्तकूडे पव्वए णिसढदेवकुरुसूरसुलसविजुप्पभदहे य दुहा विभयमाणी २ चउरासीए सलिला-सहस्सेहिं आपूरेमाणी २ भहसालवणं एजेमाणी २ मंदरं पव्वयं दोहिं जोयणेहिं असंपत्ता पच्चत्थिमाभिमुही आवत्ता समाणी अहे विजुप्पभं वक्खारपव्वयं दारइत्ता मंदरस्स पव्वयस्स पच्चत्थिमेणं अवरविदेहं वासं दुहा विभयमाणी २ एगमेगाओ चक्कवट्टिविजयाओ अट्ठावीसाए २ सलिलासहस्सेहिं आपूरेमाणी २ पंचहिं सलिलासयसहस्सेहिं दुतीसाए य सलिलासहस्सेहिं समग्गा अहे जयंतस्स दारस्स जगई दालइत्ता पच्चत्थिमेणं लवणसमुहं समप्पेइ।
सीओया णं महाणई पवहे पण्णासं जोयणाई विक्खंभेणं जोयणं उव्वेहेणं, तयणंतरं च णं मायाए २ परिवहमाणी परिवडमाणी मुहमूले पंच जोयणसयाई विक्खंभेणं दस जोयणाई उव्वेहेणं उभओ पासिं दोहिं पउमवरवेइयाहिं दोहि य वणसंडेहिं संपरिक्खित्ता।
णिसाढे णं भंते! वासहरपव्वए कइ कूडा पण्णता?
गोयमा! णव कूडा पण्णत्ता, तंजहा-सिद्धाययणकूडे १ णिसढकूडे २ हरिवासकूडे ३ पुव्वविदेहकूडे ४ हरिकूडे ५ थिईकूडे ६ सीओयाकूडे ७ अवरविदेहकूडे ८ रुयगकूडे , जो चेव चुल्लहिमवंतकूडाणं उच्चत्त-विक्खंभपरिक्खेवो पुव्ववण्णिओ रायहाणी य सच्चेव इहंपि णेयव्वा।
से केणटेणं भंते! एवं वुच्चइ-णिसहे वासहरपव्वए २? . · गोयमा! णिसहे णं वासहरपव्वए बहवे कूडा णिसहसंठाणसंठिया उसभसंठाणसंठिया, णिसहे य इत्थ देवे महिड्डिए जाव पलिओवमट्टिइए परिवसइ, से तेणटेणं गोयमा! एवं वुच्चइ-णिसहे वासहरपव्वए २......।
Jain Education International
For Personal & Private Use Only
www.jainelibrary.org
