________________
२१६
जम्बूद्वीप प्रज्ञप्ति सूत्र
तस्स णं पउमद्दहस्स चउद्दिसिं चत्तारि तिसोवाणपडिरूवगा पण्णत्ता, वण्णावासो भाणियव्वोत्ति। तेसि णं तिसोवाणपडिरूवगाणं पुरओ पत्तेयं २ तोरणा पण्णत्ता, ते णं तोरणा णाणामणिमया०।।
तस्स णं पउमद्दस्स बहुमज्झदेसभाए एत्थं महं एगे पउमे पण्णत्ते, जोयणं आयामविक्खंभेणं अद्धजोयणं बाहल्लेणं दस जोयणाई उव्वेहेणं दो कोसे ऊसिए जलंताओ साइरेगाइं दसजोयणाई सव्वग्गेणं पण्णत्ते, से णं एगाए जगईए सव्वओ समंता संपरिक्खित्ते जंबुद्दीवजगइप्पमाणा गवक्खकडएवि तह चेव पमाणेांति, तस्स णं पउमस्स अयमेयारूवे वण्णावासे पण्णत्ते, तंजहा - वइरामया मूला रिट्ठामए कंदे वेरुलियामए णाले वेरुलियामया बाहिरपत्ता जंबूणयामया अभिंतरपत्ता तवणिजमया केसरा णाणामणिमया पोक्खरत्थिरुया कणगामई कण्णिया, सा णं० अद्धजोयणं आयामविक्खंभेणं कोसं बाहल्लेणं सव्वकणगामई अच्छा०। . ____ तीसे णं कण्णियाए उप्पिं बहुसमरमणिजे भूमिभागे पण्णत्ते, से जहाणामए
आलिंग०, तस्स णं बहुसमरमणिजस्स भूमिभागस्स बहुमज्झंदेसभाए एत्थ णं महं एगे भवणे पण्णत्ते, कोसं आयामेणं अद्धकोसं विक्खंभेणं देसूणगं कोसं उड्डे उच्चत्तेणं अणेगखंभसयसण्णिविढे जाव पासाईए दरिसणिज्जे०, तस्स णं भवणस्स तिदिसिं तओ दारा पण्णत्ता, ते णं दारा पंचधणुसयाई उद्धं उच्चत्तेणं अड्डाइजाई धणुसयाई विक्खंभेणं तावइयं चेव पवेसेणं सेया वरकणगथूभियागा जाव वणमालाओ णेयव्वाओ।
तस्स णं भवणस्स अंतो बहुसमरमणिजे भूमिभागे पण्णत्ते, से जहाणामएआलिंग०, तस्स णं बहुमज्झदेसभाए एत्थ णं महई एगा मणिपेढिया पण्णत्ता, सा णं मणिपेढिया पंचधणुसयाई आयामविक्खंभेणं, अड्डाइजाई धणुसयाई बाहल्लेणं सव्वमणिमई अच्छा०, तीसे णं मणिपेढियाए उप्पिं एत्थ णं महं एगे सयणिज्जे पण्णत्ते, सयणिजवण्णओ भाणियव्वो।
Jain Education International
For Personal & Private Use Only
www.jainelibrary.org
