________________
तृतीय वक्षस्कार - राजतिलक
२०१
बत्तीसाए उडुकल्लाणियासहस्सेहिं बत्तीसाए जणवयकल्लाणियासहस्सेहिं बत्तीसाए बत्तीसइबद्धेहिं णाडगसहस्सेहिं सद्धिं संपरिबुडे अभिसेयमंडवं अणुपविसइ २ त्ता जेणेव अभिसेयपेढे तेणेव उवागच्छइ २ ता अभिसेयपेढं अणुप्पयाहिणीकरमाणे २ पुरथिमिल्लेणं तिसोवाणपडिरूवएणं दुरूहइ २ ता जेणेव सीहासणे तेणेव उवागच्छइ २ ता पुरत्थाभिमुहे सण्णिसण्णे। तए णं तस्स भरहस्स रण्णो बत्तीसं रायसहस्सा जेणेव अभिसेयमण्डवे तेणेव उवागच्छंति २ ता अभिसेयमंडवं अणुपविसंति २ ता अभिसेयपेडं अणुप्पयाहिणी-करेमाणा २ उत्तरिल्लेणं तिसोवाणपडिरूवएणं जेणेव भरहे राया तेणेव उवागच्छंति २ ता करयल जाव अंजलिं कट्ट भरहं रायाणं जएणं विजएणं वद्धावेंति २ ता भरहस्स रण्णो णच्चासण्णे णाइदूरे सुस्सूसमाणा जाव पजुवासंति, तए णं तस्स भरहस्स रण्णो सेणावइरयणे जाव सत्थवाहप्पभिइओ तेऽवि तह चेव णवरं दाहिणिल्लेणं तिसोवाणपडिरूवएणं जाव पजुवासंति, तए णं से भरहे राया आभिओगे देव सहावेइ २ त्ता एवं वयासी-खिप्पामेव भो देवाणुप्पिया! ममं महत्थं महग्धं महरिहं महारायाभिसेयं उवट्ठवेह।
तए.णं ते आभिओगिया देवा भरहेणं रण्णा एवं वुत्ता समाणा हट्टतुट्ठचित्त जाव उत्तरपुरस्थिमं दिसीभागं अवक्कमति अवक्कमित्ता वेउव्वियसमुग्घाएणं समोहणंति, एवं जहा विजयस्स तहा इत्थंपि जाव पंडगवणे एगओ मिलायंति एगओ मिलाइत्ता जेणेव दाहिणभरहे वासे जेणेव विणीया रायहाणी तेणेव उवागच्छंति २ त्ता विणीयं रायहाणिं अणुप्पयाहिणीकरेमाणा २ जेणेव अभिसेयमंडवे जेणेव भरहे राया तेणेव उवायच्छंति २ त्ता तं महत्थं महग्धं महरिहं महारायाभिसेयं उवट्ठवेंति, तए णं तं भरहं रायाणं बत्तीसं रायसहस्सा सोभणंसि तिहि-करण-दिवस-णक्खत्त-मुहुत्तसि उत्तरपोट्ठवयाविजयंसि तेहिं साभाविएहि य उत्तरवेउविएहि य वरकमलपइटाणेहिं सुरभिवरवारिपडिपुण्णेहिं जाव महया महया रायाभिसेएणं अभिसिंचिंति, अभिसेओ
Jain Education International
For Personal & Private Use Only
www.jainelibrary.org
