________________
५०
********
से भवइ महिच्छे महारंभे महापरिग्गहे अहम्मिए अहम्माणुए अहम्मसेवी अहम्मिट्ठे अहमक्खाई अहम्मरागी अहम्मपलोई अहम्मजीवी अहम्मपलज्जणे अहम्मसीलसमुदायारे अहम्मेणं चेव वित्तिं कप्पेमाणे विहरइ ॥ २ ॥
"हण छिंद भिंद" विकत्तए लोहियपाणी चंडे रुद्दे खुद्दे असमिक्खियकारी साहस्सिए उक्कंचणवंचणमाइणियडिकूडमाई साइसंपओगबहुले दुस्सीले दुप्परिचए दुचरिए दुरणुणेए दुव्वए दुप्पडियाणंदे णिस्सीले णिव्वए णिग्गुणे णिम्मेरे शिप्पच्चक्खाण-पोसहोववासे असाहू ॥ ३ ॥
सव्वाओ पाणाइवायाओ अप्पडिविरया जावज्जीवाए जाव सव्वाओ परिग्गहाओ, एवं सव्वाओ कोहाओ सव्वाओ माणाओ सव्वाओ मायाओ सव्वाओ लोभाओ पेज्जाओ दोसाओ कलहाओ अब्भक्खाणाओ पेसुण्णपरपरिवायाओ अरइरइ - मायामोसाओ मिच्छादंसणसल्लाओ अप्पडिविरया जावज्जीवाएं ॥ ४ ॥
सव्वाओ कसायदंतकट्ठण्हाणमद्दणविलेवणसद्दफरिसरसरूवगंध-मल्लाऽलंकाराओ अप्पडिविरया जावज्जीवाए, सव्वाओ सगडरहजाण - जुगगिल्लिथिल्लिसीयासंदमाणियासयणासणजाणवाहणभोयण- पवित्थरविहीओ अप्पडिविरया जावज्जीवाए ॥ ५ ॥
असमिक्खियकारी सव्वाओ आसहत्थिगोमहिसाओ गवेलयदासदासीकम्मकरपोरुस्साओ अप्पडिविरया जावज्जीवाए, सव्वाओ कयविक्कय-मासद्धमास-रूवगसंववहाराओ अप्पडिविरया जावज्जीवाए, सव्वाओ हिरण्ण-सुवण्ण-धण-धण्ण-मणिमोत्तिय-संखसिलप्पवालाओ अप्पडिविरया जावज्जीवाए, सव्वाओ कूडतुलकूडमाणाओ अप्पडिविरया जावज्जीवाए, सव्वाओ आरंभसमारंभाओ अप्पडिविरया जावज्जीवाए, सव्वाओ पयण-पयावणाओ अप्पडिविरया जावज्जीवाए, सव्वाओ करणकरावणाओ अप्पडिविरया जावज्जीवाए, सव्वाओ कुट्टणपिट्टणाओ तज्जणतालणाओ वहबंधपरिकिलेसाओ अप्पडिविरया जावज्जीवाए, जेयावण्णे तहप्पगारा सावज्जा अबोहिया कम्मा कज्जति परपाणपरियावणका डा ]रा कज्जंति तओवि य अप्पडिविरया जावजीवा ॥ ६ ॥
विसेसो सूयगडबिइयसुयक्खंधबिइयऽज्झयणपढमकिरियट्ठाणऽहम्मपक्खाओ णायव्वो ।
दशाश्रुतस्कन्ध सूत्र - षष्ठ दशा
Jain Education International
For Personal & Private Use Only
www.jainelibrary.org
