________________
तइया दसा - तृतीय दशा
तेतीस आशातनाएं सुयं मे आउसं ! तेणं भगवया एवमक्खायं, इह खलु थेरेहिं भगवंतेहिं ते(ती)त्तीसं आसायणाओ पण्णत्ताओ, कयरा खलु ताओ थेरेहिं भगवंतेहिं तेत्तीसं आसायणाओ पण्णत्ताओ? इमाओ खलु ताओ थेरेहिं भगवंतेहिं तेत्तीसं आसायणाओ पण्णत्ताओ। तंजहा
सेहे रा(य)इणियस्स पुरओ गंता भवइ आसायणा सेहस्स॥१॥ सेहे राइणियस्स सपक्खं गंता भवइ आसायणा सेहस्स ॥२॥ सेहे राइणियस्स आसण्णं गंता भवइ आसायणा सेहस्स॥३॥ सेहे राइणियस्स पुरओ चिट्ठित्ता भवइ आसायणा सेहस्स॥४॥ सेहे राइणियस्स सपक्खं चिट्ठित्ता भवइ आसायणा सेहस्स॥५॥ सेहे राइणियस्स आसण्णं (ठिच्चा )चिट्ठित्ता भवइ आसायणा सेहस्स ॥६॥ सेहे राइणियस्स पुरओ णिसीइत्ता भवइ आसायणा सेहस्स ॥७॥ सेहे राइणियस्स सपक्खं णिसीइत्ता भवइ आसायणा सेहस्स ॥८॥ सेहे राइणियस्स आसण्णं णिसीइत्ता भवइ आसायणा सेहस्स ॥९॥
सेहे राइणिएणं सद्धिं बहिया वियारभूमिं णिक्खंते समाणे तत्थ सेहे पुव्वतरागं आयमइ पच्छा राइणिए भवइ आसायणा सेहस्स॥१०॥
सेहे राइणिएणं सद्धिं बहिया वियारभूमिं वा विहारभूमिं वा णिक्खंते समाणे तत्थ सेहे पुव्वतरागं आलोएइ पच्छा राइणिए भवइ आसायणा सेहस्स॥११॥ . ___केइ राइणियस्स पुव्वसंलवित्तए सिया, तं सेहे पुव्वतरागं आलवइ पच्छा राइणिए भवइ आसायणा सेहस्स॥१२॥
सेहे राइणियस्स राओ वा वियाले वा वाहरमाणस्स अज्जो ! के सु(त्ते )त्ता के जागा रे )रा? तत्थ सेहे जागरमाणे राइणियस्स अपडिसुणेत्ता भवइ आसायणा सेहस्स॥१३॥
Jain Education International
For Personal & Private Use Only
www.jainelibrary.org
