________________
65. अववददि सासणत्थं समणं दिवा पदोसदो जो हि।
किरियासु णाणुमण्णदि हवदि हि सो णट्टचारित्तो।।
66. गुणदोधिगस्स विणयं पडिच्छगो जो वि होमि समणो त्ति।
- होज्जं गुणाधरो जदि सो होदि अणंतसंसारी।।
67. अधिगगुणा सामण्णे वटुंति गुणाधरेहिं किरियासु।
जदि ते मिच्छुवजुत्ता हवंति पन्भट्ठचारित्ता।।
68. णिच्छिदसुत्तत्थपदो समिदकसाओ तवोधिगो चावि।
लोगिगजणसंसग्गं ण चयदि जदि संजदो ण हवदि।।
69. णिग्गंथो पव्वइदो वट्टदि जदि एहिगेहि कम्मेहिं।
सो लोगिगो त्ति भणिदो संजमतवसंजुदो चावि।।
70. तम्हा समं गुणादो समणो समणं गुणेहिं वा अहियं।
अधिवसदु तम्हि णिच्चं इच्छदि जदि दुक्खपरिमोक्खं।।
71. जे अजधागहिदत्था एदे तच्च त्ति णिच्छिदा समये।
अच्चंतफलसमिद्धं भमंति ते तो परं कालं।।
72. अजधाचारविजुत्तो जधत्थपदणिच्छिदो पसंतप्पा।
अफले चिरं ण जीवदि इह सो संपुण्णसामण्णो।।
(94)
प्रवचनसार (खण्ड-3) चारित्र-अधिकार
