________________
57. अविदिदपरमत्थेसु य विसयकसायाधिगेसु पुरिसेसु।
जुटुं कदं व दत्तं फलदि कुदेवेसु मणुवेसु॥
58. जदि ते विसयकसाया पाव त्ति परूविदा व सत्थेसु।
किह ते तप्पडिबद्धा पुरिसा णित्थारगा होति।।
59. उवरदपावो पुरिसो समभावो धम्मिगेसु सव्वेसु।
गुणसमिदिदोवसेवी हवदि स भागी सुमग्गस्स।।
60. असुभोवयोगरहिदा सुद्धवजुत्ता सुहोवजुत्ता वा।
णित्थारयति लोगं तेसु पसत्थं लहदि भत्तो।।
61. दिट्ठा पगदं वत्थु अब्भुट्ठाणप्पधाणकिरियाहिं।
वट्टदु तदो गुणादो विसेसिदव्वो त्ति उवदेसो।।
62. अब्भुट्टाणं गहणं उवासणं पोसणं च सक्कार।
अंजलिकरणं पणमं भणिदमिह गुणाधिगाणं हि।।
63. अब्भुट्टेया समणा सुत्तत्थविसारदा उवासेया।
संजमतवणाणड्डा पणिवदणीया हि समणेहिं।।
64. ण हवदि समणो त्ति मदो संजमतवसुत्तसंपजुत्तो वि।
जदि सद्दहदि ण अत्थे आदपधाणे जिणक्खादे।।
प्रवचनसार (खण्ड-3) चारित्र-अधिकार
(93)
